जळगाव मिरर | १६ सप्टेंबर २०२३
प्रधानमंत्री पोषण शक्ती निर्माण योजनेअंतर्गत विद्यार्थ्यांना तृणधान्य (मिलेट) जागरूकता निर्माण व्हावी या साठी धरणगाव तालुका कृषि विभागाच्या वतीने आंतरराष्ट्रीय पौष्टीक तृणधान्य वर्ष 2023 अंतर्गत तालुकास्तरीय पाककला स्पर्धा आदर्श प्राथमिक व माध्यमिक शाळा पिंप्री खुर्द येथे आयोजित करण्यात आली होती. सर्वप्रथम मान्यवरांच्या हस्ते प्रतिमपूजन संपन्न होत कार्यक्रमाची सुरुवात झाली. कार्यक्रमाच्या अध्यक्षस्थानावरून धरणगाव तालुका कृषी अधिकारी चंद्रकांत देशमाने यांनी उपस्थितांना तृणधान्य , सकस आहार , भारतीय उत्पादने वापर यावर दीर्घायुष्य भविष्य साठी उपाय यावर प्रतिपादन केले.
कार्यक्रम प्रसंगी , चंद्रकांत देशमाने (धरणगाव तालुका कृषी अधिकारी) , पल्लवी देशमाने मॅडम , प्रदीप चव्हाण (कृषी अधिकारी धरणगाव ) प्रमोद चौधरी ( उपाध्यक्ष वेदमाता गायत्री बहू संस्था पिंप्री ) , विनोद चौधरी सर ( सचिव वेदमाता गायत्री बहू संस्था पिंप्री ) , ए आर कोळी (कृषी पर्यवेक्षक ) , किरण देसले (कृषी पर्यवेक्षक ) , यशोदाताई चौधरी ( संचालिका वेदमाता गायत्री बहू संस्था पिंप्री ) , रत्नाताई चौधरी , वैशाली चौधरी मॅडम (मुख्याध्यापिका आदर्श प्राथमिक शाळा पिंप्री) , संदिप सपकाळे सर (मुख्याध्यापक आदर्श माध्यमिक शाळा पिंप्री ) , पद्माकर पाटील , विमल सुरावर , ज्ञानेश्वर कोळी , गजानन मोरे , आदीत्य महाजन (कृषी सहायक)आदी उपस्थित होते.
तालुकास्तरीय पाककला स्पर्धेत शालेय विद्यार्थी , अंगणवाडी सेविका , मदतनीस , बचत गट महिला , आदींनी मोठ्या संख्येने सहभाग घेतला . स्पर्धेत तृणधान्य युक्त असंख्य पदार्थांची मेजवानी पहावयास मिळाली. यावेळी सहभागी स्पर्धकांना मान्यवरांच्या हस्ते सहभाग प्रमाणपत्र वितरण करण्यात आले. परिसरातील नागरिक , माता – पालक , यांनी कार्यक्रमास उपस्थिती दिली. यशस्वीतेसाठी आदर्श प्राथमिक व माध्यमिक विद्यालय पिंप्री येथील सर्व शिक्षक ,शिक्षिका , शिक्षकेतर कर्मचारी यांनी अनमोल सहकार्य केले. सूत्रसंचालन आर एस पाटील सर यांनी केले तर आभार विलास पाटील सर यांनी मानले.
