जळगाव मिरर | ९ सप्टेंबर २०२३
तालुक्यातील धानवड गावातील बसस्थानकाजवळ जुन्या वादातून दोन गटात लोखंडी फायटर आणि लोखंडी रॉडचा वापर करत तुफान हाणामारी झाल्याची घटना बुधवारी रात्री घडली. या घटनेबाबत एमआयडीसी पोलिस ठाण्यात परस्पर विरोधात ८ जणांवर गुन्हा दाखल करण्यात आला आहे.
मिळालेल्या माहितीनुसार, धानवड येथे बुधवारी रात्री ८ वाजेच्या सुमारास गावातील बसस्थानकाजवळ जुन्या वाद उकरून काढत दोन गटात तुफान हाणामारी झाली. यात एकमेकांना शिवीगाळ करत लोखंडी रॉड, लोखंडी फायटरने हाणामारी झाली. यात गणेश भरत पाटील (वय २०) हा तरुण जखमी झाला आहे. त्याला जिल्हा शासकीय वैद्यकीय महाविद्यालयात उपचारासाठी दाखल करण्यात आले. याप्रकरणी एमआयडीसी पोलिस स्थानकात गुरुवारी पहिल्या गटातील गणेश भरत पाटील यांनी दिलेल्या फिर्यादीवरून तुषार पाटील (१९) गोपाल संजय गोराडे (२३), जितेंद्र संजय गोराडे (२२), विलास संतोष पाटील (६०) सर्व (रा. धानवड) यांच्या विरोधात गुन्हा दाखल करण्यात आला, तर दुसऱ्या गटातील तुषार विलास पाटील (वय १९) यांनी दिलेल्या फिर्यादीवरून गणेश भरत पाटील (१९), भरत देवीदास पाटील (४५) आणि उज्ज्वला भरत पाटील (४३, सर्व रा. धानवड) यांच्यासह इतरांविरोधात गुन्हा दाखल करण्यात आला आहे
