जळगाव : प्रतिनिधी
२३ मार्च हा दिवस शहीद दिवस म्हणून साजरा केला जातो. या दिवसाचे औचित्य साधत जळगाव येथे आम आदमी पार्टीतर्फे जल सेवेचे उदघाटन करण्यात आले. यावेळी शूरवीरांच्या प्रतिमेचे पूजन करून अभिवादन करण्यात आले. सध्याचे उष्णतेचे वाढते तापमान लक्षात घेऊन जळगाव शहरात आलेल्या सर्व वाटसरूंना पिण्याच्या पाण्याची तृष्णा भागविण्यासाठी जळगाव शहर आम आदमी पार्टी कार्यालयाजवळ पाणपोईची व्यवस्था करण्यात आली.
आम आदमी पार्टीचे जळगाव जिल्ह्याचे सल्लागार डॉ.सूनील गाजरे यांच्या हस्ते पाणपोईचे उद्घाटन करण्यात आले. जळगाव शहर महानगर कार्य अध्यक्ष. योगेश हिवरकर यांच्या मार्गदर्शनाखाली आजच्या कार्यक्रमाचे नियोजन करण्यात आले. शहीद भगत सिंग, सुखदेव, आणि राजगुरु या वीरांच्या प्रतिमेचे पूजन जळगाव शहर महानगर कार्य उपाध्यक्ष . अनिल वाघ यांच्या हस्ते करण्यात आले. सदर कार्यक्रमाचे सूत्रसंचालन जळगाव शहर महानगर सचिव श्री चंदन भाऊ पाटील यांनी केले.तसेच जळगाव महानगर मीडिया प्रमुख योगेश भोई यांनी पुढील कार्यभाग सांभाळला. यावेळी जळगाव शहर आम आदमी पार्टीचे निष्ठावंत कार्यकर्ते. कृष्णा माळी, स्वामी पाटील, आत्माराम चौधरी, हेमंत सोनवणे, सुभाष कोळी यांच्यासह कार्यकर्ते प्रामुख्याने उपस्थित होते. तसेच कार्यक्रमाचे आभार प्रदर्शन जळगाव शहर महानगर मीडिया प्रमुख योगेश भाई यांनी केले.
