जळगाव : प्रतिनिधी
गेल्या काही दिवसापासून राज्यासह देशातील राजकीय वातावरण ढवळून निघाले आहे. राज्यासह शहरात आम आदमी पार्टी आता गगनभरारी घेत असल्याचे दिसून येत आहे. विविध पक्षातून व सामाजिक कार्यकर्ते यांनी शहर महानगर कार्याध्यक्ष.योगेश हिवरकर व आम आदमी पार्टीचे ज्येष्ठ सल्लागार डॉ. सुनील गाजरे तसेच जळगाव शहर महानगर मीडिया प्रमुख व प्रवक्ता यांच्या नेतृत्वाखाली या लोकांनी जाहीर प्रवेश केला.
यामध्ये सिनेअभिनेता पवन खंबायत, सिनेमा डायरेक्टर व जळगाव आयकॉन टीव्हीचे संचालक हेमराज सोनवणे, श्रीराम फॉर्च्यून प्रायव्हेट लिमिटेडचे भूपेंद्र ठाकरे यांनी दि. ७ एप्रिल रोजी जळगाव शहर आम आदमी पार्टी मध्ये जाहीर प्रवेश केला. सध्या आम आदमी पार्टीचा क्रेज असल्यामुळे तरुणानमध्ये उत्साह बघायला मिळत आहे दिल्लीचे मुख्यमंत्री अरविंद केजरीवाल याची सगळ्या बाजूने कवतुकाचा वर्षाव बघायला मिळत आहे. यानिवडीबद्दल सर्वच स्तरातून अभिनंदनाचा वर्षाव होत आहे.
