जळगाव मिरर । १३ डिसेंबर २०२२
काही दिवसापूर्वीच अमळनेर पोलीस ठाण्याचे पोलीस निरीक्षक जयपाल हिरे यांची एमआयडीसी पोलीस निरीक्षक पदाची धुरा हाती घेताच दि १२ रोजी झालेला खून प्रकरणी संशयित आरोपी काही वेळेतच ताब्यात घेतले असून तर दुसरी जुगार अड्यावर मोठी कारवाई झाल्याने पोनी जयपाल हिरे यांनी पदभार घेताच आठवड्यात हि मोठी कारवाई केल्याचे बोलले जात आहे.
शहरातील गोदावरी इंजिनिअरिंग महाविद्यालयानजीकच्या एका टपरीजवळ सुरू असलेल्या सट्टा व जुगार अड्ड्यावर सोमवारी एमआयडीसी पोलिसांनी धाड टाकून दोघांकडून ५ हजार ३२० रुपये किमतीचा मुद्देमाल हस्तगत केला आहे. याप्रकरणी एमआयडीसी पोलिस ठाण्यात गुन्हा दाखल करण्यात आला आहे.
जळगाव-भुसावळ रोडवर असलेल्या गोदावरी इंजिनिअरिंग महाविद्यालयासमोरील एका टपरीवर सट्टा व जुगार सुरू असल्याची गोपनीय माहिती एमआयडीसी पोलिस ठाण्याचे पोलिस निरीक्षक जयपाल हिरे यांना मिळाली. त्यांनी पथकाला कारवाई करण्याच्या सूचना दिल्या. त्यानुसार पथकाने दुपारी २ जुगार अड्डयांवर धाड टाकून कारवाई केली. या कारवाईत गणेश सोनवणे (३८, रा. इंदिरानगर, खेडी) आणि चेतन लोहार (२०, रा. मेहरून) यांना जागेवरच पकडले. त्यांच्याकडून रोकड व जुगार खेळण्याचे साहित्य, मोबाइल असा एकूण ५ हजार ३२० रुपयांचा मुद्देमाल हस्तगत करण्यात आला. याप्रकरणी पोलिस हेड कॉन्स्टेबल गोविंदा पाटील यांच्या फिर्यादीवरून दोघांवर गुन्हा दाखल करण्यात आला आहे.
