जळगाव : प्रतिनिधी
राज्याचे मुख्यमंत्री उध्दव ठाकरे यांच्या विरोधात सोशल मीडियावर आक्षेपार्ह पोस्ट टाकणाऱ्या हेमंत द्वितीये या व्यक्तीला शहरातील आयनॉक्स थिएटर समोर संतप्त शिवसैनिकांनी बेदम मारहाण करून माफी मागितल्याचा प्रकार आज सायंकाळी घडला आहे.
धरणगाव येथील हेमंत द्वितीये एका व्यक्तीने सोशल मिडीयावरील जळगाव शहराच्या एका ग्रृपवर मुख्यमंत्री उध्दव ठाकरे यांच्याबद्दल आक्षेपार्ह पोस्ट टाकली. या पोस्टमुळे शिवसैनिकांमध्ये तीव्र संतापाची लाट पसरली.
ही पोस्ट सोशल मिडीयावर टाकल्यानंतर हेमंत द्वितीये आयनॉक्स थिएटरला चित्रपट पाहण्यासाठी आला होता. त्यावर शिवसैनिकांनी पाळत ठेवत थिएटर समोर त्यास बेदम मारहाण करत पोस्ट टाकल्याचा निषेध व्यक्त केला. हेमंत द्वितीये याने माझ्याकडून चुकीची पोस्ट टाकली गेली. म्हणत त्याबद्दल माफी मागतो असेही याठीकाणी शिवसैनिकांना सांगितले.
याप्रसंगी शिवसेनाचे जिल्हा सहसंपर्क प्रमुख गुलाबराव वाघ, शिवसेना जिल्हाप्रमख विष्णू भंगाळे, महानगराध्यक्ष शरद तायडे, माहिला जिल्हाध्यक्षा शोभा चौधरी, सरीता माळी-कोल्हे यांच्यासह शिवसैनिक मोठ्या संख्येने उपस्थित होते.
