जळगाव : प्रतिनिधी
निलेश राणे व नितेश राणे हे कुख्यात गुन्हेगार असून नितेश राणे हे नुकतेच जीवे मारण्याच्या खटल्यामध्ये मुख्य आरोपी म्हणून जामीन वर बाहेर आहेत. ह्या आधी देखील ह्या दोघांवर खून, खुनाचा कट रचणे, धमकावणे अश्या अनेक तक्रारी आहेत. महाराष्ट्र राज्याचे कॅबिनेट मंत्री युवासेना प्रमुख आदित्यसाहेब ठाकरे व युवासेना सचिव वरुण सरदेसाई ह्या आमच्या नेत्यांच्या गाडीवर हल्ला करून जीवे मारण्याची जाहीर धमकी नितेश राणे यांनी पत्रकारांसमोर दिली आहे.
निलेश राणे ह्याने आमचे नेते वरुण सरदेसाई यांना मारणार असे जाहीर रित्या पत्रकारांसमोर म्हटले आहे.
युवासेनेची पोलीस खात्याला विनंती आहे ह्या संपूर्ण प्रकरणाची गंभीर नोंद घ्यावी व आमच्या नेत्यांच्या सुरक्षेकरिता निलेश राणे व नितेश राणे यांना लगेच अटक करावी. या विषयाचे निवेदन युवासेना तर्फे उपविभागीय पोलीस अधिकारी जळगाव कुमार चिंथा यांना देण्यात आले. या वेळी युवासेना सहसचिव विराज कावडीया, महानगर युवाधिकारी स्वप्नील परदेशी, अमित जगताप, शंतनू नारखेडे, भूषण सोनवणे, प्रीतम शिंदे आदी युवासैनिक उपस्थितीत होते.
