पिंपरी चिंचवड : पतीने पत्नीच्या हत्येचा प्रयत्न केल्याची धक्कादायक घटना उघडकीस आली आहे. पुणे जिल्ह्यात पिंपरी चिंचवड शहरात हा प्रकार घडला. अनैतिक संबंधाच्या संशयातून पतीकडून पत्नीचा खून करण्याचा प्रयत्न केल्याचा दावा केला जात आहे. या प्रकारानंतर आरोपी पती स्वत: पोलीस ठाण्यात हजर झाला. किवळे परिसरात ही घटना घडली असून या प्रकरणी आरोपी पती विरोधात देहू रोड पोलीस ठाण्यात गुन्हा दाखल करण्यात आला आहे. आरोपी पती अमोल थोरात याला बेड्या ठोकण्यात आल्या आहेत.
अनैतिक संबंधाच्या संशयातून आरोपी अमोल थोरात याने आपल्या पत्नीचा खून करण्याचा प्रयत्न केला. पुणे जिल्ह्यात पिंपरी चिंचवड शहरातील किवळे परिसरात ही घटना घडली आहे.
पतीचे आत्मसमर्पण
हत्येचा प्रयत्न केल्यायानंतर पती स्वत: चिंचवड पोलीस ठाण्यात हजर झाला. चिंचवड पोलिसांनी आरोपीला देहू रोड पोलिसांच्या ताब्यात दिले. तिथे त्याच्यावर गुन्हा दाखल करुन त्याला अटक करण्यात आली आहे.
