पाळधी ता,धरणगाव :प्रतिनिधी
सर्व धर्मीय शीरखुर्मा चा कार्यक्रम पाळधी येथील मशिदीत साजरा करण्यात आला या कार्यक्रमाचे आयोजन माजी सरपंच अलीम देशमुख व देशमुख परिवाराने केले. त्यानिमित्त या कार्यक्रमाला जिल्ह्याचे पालकमंत्री ना गुलाबराव पाटील हे उपस्थित होते. माजी सरपंच अलीम देशमुख आणि देशमुख परिवारातर्फे दरवर्षी ईद निमित्त यांच्या घरी कार्यक्रम साजरा केला जातो.
मात्र यावर्षी देशमुख परीवाराने देशातील वातावरण व या कार्यक्रमाचे एक वेगळ्या पद्धतीने साजरा करण्याचे ठरवले. त्यामुळे मशिदीत शीरखुर्मा चा कार्यक्रम पाळधी येथे पहिल्यांदा साजरा करण्यात आला. यावेळी पालकमंत्री गुलाबराव पाटील यांनी मागील आठवणी कढुन गावातील एकोपा कायम राहू द्या तर देशात काही घडूदे मात्र आपल्या गावात काही अप्रिय घटना घडणार नाही याची प्रत्येक नागरिकांनी काळजी घ्यावी असे आवाहन केले. यावेळी माजी सभापती मुकुंदराव नन्नवरे, जि प सदस्य प्रताप पाटील, माजी सरपंच अलीम देशमुक, डॉ. राजु देशमुख, जुबेर देशमुख आदींनी मनोगत व्यक्त केले.
