बर्मिंगहम : वृत्तसंस्था
भारतीय संघाने जिंकणारा सामना हरला. पण भारताच्या चाहत्यांना जेवढं वाईट पराभवाचं वाटत नाही, त्यापेक्षा जास्त चीड ही विराट कोहलीच्या एका कृतीची येत आहे. भारतीय संघ पराभूत होत होता. अखेरचा चेंडू रवींद्र जडेजा टाकत होता. त्यावेळी कोहली स्लीपमध्ये उभा होता. कोहलीने यावेळी असं एक कृत्य केलं की, चाहत्यांना त्याचा राग आला आहे. कोहलीचा हा व्हिडिओ आता जगभरात व्हायरल होत आहे.
हा पराभव भारताच्या चांगल्याच जिव्हारी लागला आहे. कारण हा सामना भारताने अनिर्णीत जरी राखला असता तरी त्यांना ही मालिका जिंकता आली असती. पण त्यांना या सामन्यात पराभव पत्करावा लागला आणि चाहते निराश झाले. इंग्लंडच्या जो रुटने रिव्हर्स स्वीप मारत यावेळी संघाच्या विजयावर शिक्कामोर्तब केले. त्यावेळी भारताचा रवींद्र जडेजा हा गोलंदाजी करत होता, तर कोहली स्लीपमध्ये उभा होता. जडेजा हा चेंडू टाकण्यापूर्वी भारताचा पराभव निश्चित झाला होता. त्यामुळे भारतीय खेळाडू निराश होते, पण कोहली मात्र त्यावेळी निराश नव्हता उलटपक्षी तो स्लीपमध्ये उभं राहून हसत असल्याचं पाहायला मिळालं. हा चेंडू टाकण्यापूर्वी कोहली स्लीपमध्ये हसत उभा राहीला होता आणि चाहत्यांना हीच गोष्ट सर्वात जास्त खटकली.
This team. This way of playing. Simply irresistible ❤️
Scorecard/Clips: https://t.co/jKoipF4U01
🏴 #ENGvIND 🇮🇳 pic.twitter.com/Phl1BNkGol
— England Cricket (@englandcricket) July 5, 2022
कोणत्याही संघाचा पराभव होऊ शकतो, त्यासाठी गळा काढण्याची किंवा अश्रू ढाळत बसण्याची गरज नसते. पण आपण हा सामना पराभूत होत आहोत, त्यावेळी साहजिकच खेळाडू निराश झालेले असतात. कारण त्यांच्या मेहनतीवर पाणी फेरलेले असते आणि पराभव त्यांच्या जिव्हारी लागत असतो. पण कोहलीकडून ही गोष्ट यावेळी पाहायलाच मिळाली नाही. भारताचा पराभव होत असताना कोहली हसत असल्याचे पाहायला मिळाले आणि चाहते त्याच्यावर नाराज झाले. कोहलीचे हे कृत्य नक्की भारताच्या माजी कर्णधाराला शोभणारे नव्हते. त्यामुळे पराभवानंतर चाहते विराट कोहलीवर सर्वात जास्त नाराज असल्याचे पाहायला मिळत आहे.
