जळगाव : प्रतिनिधी
शहरातील मेहरून तलावाच्या काठावर एका प्रौढ व्यक्तीचा मृतदेह आढळून आला आहे या व्यक्तीचे वय साधारण ४८ ते ५० सुमारास असून त्याची ओळख पटविण्याचे काम सुरु होते. या मृतदेहाचा चेहरा दगडाने ठेचल्याचे दिसून येत आहे. दिनेश भिकन पाटील (वय-४५, रा.रामेश्वर कॉलनी) असे मृत प्रौढाचे नाव आहे.
या खुनाची माहिती पोलिसांना मिळताच एमआयडीसी पोलीसानी घटनास्थळी धाव घेत पंचनामा करण्याचे काम सुरू केले होते. घटनास्थळी पोलीस अधीक्षक प्रवीण मुंढे, अपर पोलीस अधीक्षक चंद्रकांत गवळी, सहाय्यक अधीक्षक कुमार चिंथा, पोलीस निरीक्षक अरुण धनावडे यांच्यासह कर्मचारी उपस्थित होते. पोलिसांनी घटनास्थळाहुन रक्ताने माखलेले दगड, दारू आणि पाण्याची बाटली, मयताची दुचाकी, चप्पल असे साहित्य हस्तगत केले आहे.
26 मार्च रोजी शहरात समतानगर परिसरात एक खून तर दुसरा खून शिवाजीनगर परिसरात एकाच दिवसात झालेला होता. त्यानंतर तिसरा खून हा शिवाजी नगरातील हुडको येथील गवळी वाड्यात झालेला होता . त्यामधील दोन खून अनैतिक संबंधाची किनार होती. तर आज झालेला खून क्रूरपणे दगडाने ठेचून करण्यात आल्याचे प्राथमिक माहिती आहे. हा खून इतक्या क्रूरपणे कुणी व कशासाठी केला असेल याकडे मात्र आता पोलीस प्रशासन कामाला लागले आहे. मागील महिन्यात झालेले दोन खुनाचे आरोपीला पकडण्यात पोलिसांना यश आलेच आहे.
