जळगाव मिरर / २५ एप्रिल २०२३ ।
उत्तर प्रदेश सरकारमधील मुख्यमंत्री योगी आदित्यनाथ यांनी राज्यात कारवाईचा धडाका लावला आहे. त्यामुळे अनेक विरोधाकाच्या डोक्यात बसल्याने त्यांना आता पंतप्रधान नरेंद्र मोदी यांच्यानंतर त्यांना जीवे ठार मारण्याची धमकी मिळाल्याने उत्तर प्रदेश पोलीस अलर्ट झाली आहे. या संदर्भातले वृत्त ANI या वृत्तसंस्थेने दिलं आहे.
उत्तर प्रदेशचे मुख्यमंत्री योगी आदित्यनाथ यांना ठार करण्याची धमकी देण्यात आली आहे. या प्रकरणामध्ये अज्ञात व्यक्तीविरोधात लखनऊच्या पोलीस ठाण्यात गुन्हा दाखल करण्यात आला आहे. लखनऊ पोलिसांनी योगी आदित्यनाथ यांना जीवे मारण्याची धमकी आल्याचं सांगितलं आहे.
उत्तर प्रदेशमध्ये आपात्कालीन विभागाकडुन ११२ हा नंबर मदतीसाठी जारी केला आहे. याच क्रमांकावर एका अज्ञाता व्यक्तीने फोन केला होता. त्यावर मी उत्तर प्रदेशचे मुख्यमंत्री योगी आदित्यनाथ यांना लवकरच ठार करणार असल्याचं व्यक्तीने म्हंटलं आहे. ही धमकी येताच हा फोन घेणाऱ्या ऑपरेटरने पोलिसात तक्रार दिली. त्यानंतर कलम ५०६, कलम ५०७ आणि आयटी अॅक्ट कलम ६६ अंतर्गत गुन्हा नोंदवण्यात आला आहे. या प्रकरणात लखनऊच्या सुशांत गोल्फ सिटी पोलीस ठाण्यात गुन्हा दाखल करण्यात आला असून धमकी देणारा अज्ञात कोण आहे? याचा पोलीस शोध घेत आहेत.
