अनेक लोकांना हॉटेलमध्ये जेवण करण्याची सवय असते. पण कधी कधी हि सवय थेट पोलिसात देखील घेवून जात असते. अशीच एक घटना समोर आलील आहे. स्वस्त दरात अन्न उपलब्ध असेल, तर अनेकांना भूकेपेक्षा जास्त खाण्याची सवय असते. चीनमध्ये एका महिलेनेही असंच काही केलं, त्यामुळे तिच्यासोबत खूप वाईट घडलं.
सीसीटीव्ही फुटेजवरून जेव्हा कर्मचाऱ्यांना तिच्या या कारनाम्याची कल्पना आली तेव्हा त्या महिलेला अशा प्रकारे शिक्षा देण्यात आली की ती कदाचित पुन्हा असं कधीही करणार नाही. ही घटना चीनच्या गुइझाउ प्रांतातील आहे.
साऊथ चायना मॉर्निंग पोस्टच्या वृत्तानुसार, येथील एका रेस्टॉरंटमध्ये एक अतिशय भुकेली आणि लोभी प्रकारची महिला येत असे. रेस्टॉरंटच्या बुफेमधून ती फक्त जेवणच करत नसायची, तर ती आधीपासून सोबत आणलेल्या पिशव्यांमध्येही ते घेऊन जायची. हे प्रकरण ऑगस्ट 2022 चं आहे. रेस्टॉरंटच्या मॅनेजरच्या म्हणण्यानुसार, ही महिला 2 आठवड्यात 5 वेळा येथे आली होती. प्रत्येक वेळी ती तिच्या गरजेपेक्षा जास्त अन्न मागवायची आणि नंतर ते आधीपासून सोबत आणलेल्या प्लास्टिकच्या पिशव्यांमध्ये भरायची आणि टेबलाखाली तिच्या पर्समध्ये लपवायची. ही महिला याआधीही अनेकदा रेस्टॉरंटमध्ये आली असली तरी तिने 5 वेळा असं केल्याची नोंद आहे. ती नेहमी इतर लोकांपेक्षा जास्त जेवण मागवायची आणि नंतर महागडे पदार्थ सोबत घेऊन जायची. सीसीटीव्ही फुटेजमध्ये 5 वेळा ती असं करताना पकडली गेली, तेव्हा रेस्टॉरंटने तिला 45000 युआन म्हणजेच सुमारे 5 लाख रुपयांचा दंड ठोठावला. 100 ग्रॅम अन्न वाया गेल्यास त्या अन्नाचे पैसे द्यावे लागतील, असं डिस्प्ले साइनवर स्पष्ट लिहिलं होतं. प्रत्येक टेबलावर हा फलक लावला आहे, तरीही महिलेनं ते केलं. हे अन्न चोरीचं प्रकरण नसून डिशची नासाडी करणं आणि पॅकिंगची किंमत न देता ते घरी नेणं, यासाठी महिलेला दंड भरावा लागला.
