जळगाव मिरर । २० जून २०२३
जळगाव शहरात गेल्या अनेक दिवसापासून दुचाकी चोरीचे सत्र सुरुच आहे. नुकतेच छत्रपती शिवाजी महाराज नगरातील पोलिस चौकीजवळून मनपा कर्मचाऱ्याच्या घराबाहेर चोरट्यांनी दुचाकी लंपास केल्याची घटना उघडकीस आली आहे. याप्रकरणी जळगाव शहर पोलिसात गुन्हा दाखल करण्यात आला आहे.
पोलिसांनी दिलेल्या माहितीनुसार, जळगाव शहर महानगरपालिकेचे कर्मचारी संजय नारायण मराठे(वय 51) हे शहरातील छत्रपती शिवाजी महाराज नगर परिसरातील पोलिस चौकीजवळ राहतात. दि.12 जून रोजी संध्याकाळी ते नेहमी प्रमाणे घराच्या बाहेर दुचाकी क्र. एम.एच.19.670 लावलेली असतांना मध्यरात्री अनोळखी चोरट्यांनी दुचाकी चोरुन नेली. दुसऱ्या दिवशी त्यांनी शोधाशोध केली असता दुचाकी आढळून न आल्याने जळगाव शहर पोलिसात धाव घेत दुचाकी चोरी झाल्याबाबत गुन्हा दाखल करण्यात आला आहे. पुढील तपास मपोहेका.अल्का वानखेडे हे करीत आहेत.
