शूटिंग सुरु असताना अभिनेता शाहरुख खानचा अपघात : चेहऱ्यावर खोल जखमा !

जळगाव मिरर | ४ जुलै २०२३

बॉलीवूड क्षेत्रातील दिग्गज अभिनेता शाहरुख खान गेल्या काही दिवसांपासून अमेरिकेत त्याच्या आगामी चित्रपटाचे शूटिंग करत होता. शूटिंगदरम्यान झालेल्या अपघातामुळे शाहरुख खान जखमी झाल्याची माहिती मिळत आहे. त्याच्या नाकावर व चेहऱ्यावर खोल जखमा झाल्या आहेत. प्राथमिक उपचारानंतर त्याला मुंबईत आणण्यात आले आहे. मात्र त्याची प्रकृती सध्या स्थिर असल्याचे सांगितले जात आहे.

सूत्राकडून मिळालेल्या माहितीनुसार, “SRK एका प्रोजेक्टसाठी लॉस एंजेलिसमध्ये शूटिंग करत होता आणि शेवटी त्याचे नाक दुखू लागले. त्याला रक्तस्त्राव होऊ लागला आणि त्याला तातडीने रुग्णालयात दाखल करण्यात आले. त्यात असेही म्हटले आहे की, “त्याच्या टीमला डॉक्टरांनी कळवले होते की काळजी करण्यासारखे काही नाही आणि किंग खानला रक्तस्त्राव थांबवण्यासाठी एक छोटीशी शस्त्रक्रिया करावी लागेल. ऑपरेशननंतर, शाहरुख खानने त्याच्या नाकावर पट्टी बांधलेली दिसली. आता तो भारतात परतला अन् घरी परतला आहे.”