जळगाव मिरर | ५ जुलै २०२३
सोशल मिडीयाच्या माध्यमातून जगभरातील लोक एकत्र येत असतात यातून अनेक तरुण-तरुणींनी एकत्र येत संसार थाटला आहे तर अनेकांचे आयुष्य उद्धवस्त देखील झाले आहे. पण जी घटना समोर आली आहे ती थक्क करणारी आहे. हि घटना पाकीस्तान मधील एका महिलेसोबत घडली आहे.
पब्जी खेळताना ती महिला एका भारतीय तरुणाच्या प्रेमात पडली होती, त्यानंतर ती तिच्या पहिल्या पतीला सोडून 4 मुलांसह भारतात आली होती. प्रियकरासाठी भारतात आलेल्या पाकिस्तानी तरुणीला नोएडा पोलिसांनी हरियाणातील बल्लभगड येथून अटक केली आहे. ग्रेटर नोएडाचे डीसीपी शाद मियाँ खान म्हणाले की, सीमा नावाची ही महिला मूळची पाकिस्तानच्या खैरपूर सिंध प्रांतातील आहे. आता ती कराचीत राहत होती. महिलेचा प्रियकर सचिन आणि त्याचे वडील नेत्रपाल यांनाही अटक करण्यात आली आहे. सीमाने पाचवीपर्यंत शिक्षण घेतल्याचे तपासात समोर आले आहे. 2020 मध्ये लॉकडाऊनदरम्यान नवरा कामानिमित्त सौदीला गेला असताना सीमा आणि सचिन पाब्जी गेमच्या माध्यमातून संपर्कात आले.
यानंतर तिने इंटरनेटच्या माध्यमातून पाकिस्तानातून भारतात येण्याचा मार्ग शोधला. तिला नेपाळमध्ये उत्तम पर्याय सापडला. 2023 मध्ये दोघेही काठमांडूमध्ये 7 दिवस एकत्र राहिले. यानंतर सीमा पुन्हा नेपाळचा टुरिस्ट व्हिसा घेऊन 4 मुलांसह नेपाळला आली. तिने पोलिसांना सांगितले- तिला सचिनसोबत भारतात कायमचे शिफ्ट व्हायचे आहे. मार्चमध्ये सचिन नेपाळमध्ये एकटा भेटायला आला होता. सचिनसोबत राहण्याची चर्चा होती. यानंतर हे लोक नेपाळमध्येच एक-दोनदा भेटले
