जळगाव मिरर | ६ जुलै २०२३
दिल्लीतील तीस हजारी न्यायालयात गोळीबाराची घटना समोर आली आहे. वकिलांच्या दोन गटांत वादावादी झाल्यानंतर हाणामारी झाली आणि एका वकिलाने गोळीबार केला. या घटनेत कोणीही जखमी झालेले नाही. सुरक्षेचे निकष असतानाही हे शस्त्र न्यायालयात कसे पोहोचले, याचा तपास पोलीस करत आहेत. उपायुक्त (उत्तर) सागर सिंग कलसी म्हणाले, “तीस हजारी न्यायालयात बुधवारी दुपारी 1.35च्या सुमारास गोळीबाराची घटना घडली. पोलिस घटनास्थळी पोहोचले असता पदाधिकाऱ्यांसह वकिलांच्या दोन वेगवेगळ्या गटांनी हवेत गोळीबार केल्याचे दिसून आले.
त्याचवेळी दिल्ली पोलिसांचे सहआयुक्त (मध्य परिक्षेत्र) परमादित्य यांनी सांगितले की, कोर्ट कॅम्पसमधून पाच रिकामे राऊंड जप्त करण्यात आल्या आहेत. आमची एफएसएल (फॉरेन्सिक सायन्स लॅबोरेटरी) टीम घटनास्थळी आहे आणि या प्रकरणाचा अधिक तपास केला जाईल.
या घटनेचा आणखी एक व्हिडिओ समोर आला आहे ज्यामध्ये आणखी एक वकील बंदुकीत काडतुसे भरल्यानंतर गोळीबार करताना दिसत आहे. हा व्हिडिओ कॅम्पसमध्ये उपस्थित असलेल्या एका वकिलाने रेकॉर्ड केला होता. दिल्लीतील कोर्ट परिसरात गोळीबाराची ही पहिलीच घटना नाही. या वर्षाच्या सुरुवातीला 21 एप्रिल रोजी दिल्लीतील साकेत न्यायालयात उपस्थित असलेल्या एका महिलेवर वकिलाच्या पेहरावात एका व्यक्तीने गोळीबार केला होता. फसवणूक प्रकरणात साक्ष देण्यासाठी आलेली एक महिला जखमी झाली होती. बार कौन्सिल ऑफ दिल्लीचे अध्यक्ष केके मनन यांनी तीस हजारी न्यायालयाच्या आवारात झालेल्या गोळीबाराच्या घटनेचा निषेध केला. ते म्हणाले, “या प्रकरणाची सखोल चौकशी केली जाईल. त्या शस्त्राला परवाना होता की नाही, याची खातरजमा केली जाईल. शस्त्राचा परवाना असला तरी, कोणताही वकील किंवा अन्य व्यक्ती न्यायालयाच्या परिसरात किंवा आजूबाजूला त्यांचा वापर करू शकत ना
