जळगाव मिरर | २८ जुलै २०२३
जळगाव शहरालगत असलेल्या कृषी उत्पन्न बाजार समितीच्या दोशी एंटरप्राइजेस नावाच्या गोडाऊनच्या पहिल्या मजल्यावर असलेल्या खिडकीचे गज कापून अज्ञात चोरट्याने आत प्रवेश करून लॅपटॉप सह इतर साहित्य असा एकूण 27 हजार पाचशे रुपयांचा ऐवज लांबवल्याची घटना 21 जुलै ते 22 जुलै दरम्यान घडली .या प्रकरणी एमआयडीसी पोलीस स्टेशनला अनोळखी चोरट्याविरुद्ध गुन्हा दाखल करण्यात आला आहे.
पोलिसांनी दिलेल्यानुसार, शहरालगत असलेल्या कृषी उत्पन्न बाजार समितीमध्ये निखिल अशोक जैन (वय ३७) दोशी एंटरप्राइजेस नावाने गोडाऊन असून 21 जुलै रोजी रात्री आठ ते 22 जुलै सकाळी आठ वाजेच्या दरम्यान अर्ध्या चोरट्याने त्यांच्या गोडाऊनच्या खिडकीचे गज कापून आत प्रवेश करीत वीस हजार रुपये किमतीचा लॅपटॉप ,1000 रुपयाचा डीव्हीआर ,मॉनिटर ,पेन ड्राईव्ह, मेमरी कार्ड एकूण सत्तावीस हजार पाचशे रुपयांचा मुद्देमाल चोरून नेला. याप्रकरणी जैन यांनी एमआयडीसी पोलीस स्टेशनला 27 जुलै रोजी फिर्याद दिल्यावरून अज्ञात चोरट्याविरुद्ध गुन्हा दाखल करण्यात आला आहे तपास सहाय्यक फौजदार अतुल वंजारी करीत आहे.
