जळगाव मिरर | ३ ऑगस्ट २०२३
देशात गेल्या काही महिन्यापासून मणिपूर राज्यात मोठी हिंसाचार सुरू असून त्या पाठोपाठ आता हरियाणा येथे सुद्धा हिंसाचारास सुरुवात झाली आहे आज हरियाणा येथील नल्हार येथे विश्व हिंदू परिषद व बजरंग दलाने काढलेल्या धार्मिक मिरवणुकीत मोठी दंगल उसळली असून यावेळी दगडफेक व गोळीबार सुद्धा झाला आहे या मिरवणुकीत असलेल्या दोन हजार लोकांना मंदिरात आश्रय घ्यावा लागला असल्याची ही माहिती समजत आहे.
याबाबत येथील पोलिसांनी एफआयआर देखील दाखल केली असून त्यात म्हटले आहे की, नल्हार येथील शिव मंदिरापासून विश्व हिंदू परिषदेने मोठी मिरवणूक काढली होती. या मिरवणुकीत ८०० ते ९०० लोकांचा जमावाने पाकिस्तान जिंदाबाद अशा घोषणा दिल्या असून त्याच बरोबर मारण्याच्या उद्देशाने दगड आणि बेकायदेशीर शस्त्र घेऊन मंदिराकडे आगेकूच ते करत होते. यावेळी एफआयआर मध्ये असे देखील म्हटले आहे की जवळच्या शेतातून शिव मंदिरावर हल्ला करण्यात आला असून शेकडो लोकांनी दगडफेक केली आहे. काठ्या आणि पेट्रोल बॉम्ब ने देखील हल्ला केला असून घटनास्थळावर असलेल्या गाड्या देखील पेटवण्यात आले आहे. या दंगलीत दोन होमगार्ड आणि आणखी तीन जणांचा मृत्यू झाला असल्याचे समोर आले आहे.
