जळगाव मिरर | ९ ऑगस्ट २०२३
राज्यात अनेक दिवसापासून प्रेमप्रकरणाच्या घटना नियमित घडत असताना पुन्हा एकदा प्रेमप्रकरणाच्या घटनेने चक्क आपल्या पोटच्या मुलीने प्लान बनवीत क्रिया कराच्या मदतीने बापाला मारहाण केल्याची घटना उघडकीस आल्याने राज्यात खळबळ उडाली आहे.
मिळालेल्या माहितीनुसार सोलापूर जिल्ह्यातील माढा तालुक्यात प्रसिद्ध व्यापारी महिंद्र शहा हे शेटफळ येथून मंगळवारी रात्री साडेदहा वाजेच्या सुमारास आपल्या मुलीला माळ्याकडे घेऊन येत असताना यावेळी एका गावानजीक बाथरूमसाठी गाडी थांबविली असता. अज्ञात तरुणांनी शहा यांना जबर मारहाण केल्याची घटना घडली आहे. यात ते जखमी झाले असून त्यांना सोलापूर येथील रुग्णालयात दाखल केले आहे तर दुसऱ्या दिवशी सकाळी त्यांची मुलगी साक्षी शहा यांनी पोलीसात तक्रार देत पोलिसांनी चौकशी केली असता लागलीच काही तासात पोलिसांनी संशयितांना ताब्यात घेतले त्यानंतर पोलिसी खाक्या दाखवताच संशयित आरोपी पोपटासारखे बोलू लागल्याने मुलीचा प्लान फसला.
मुलीच्या प्रेमविवाहाला वडिलांनी नियमितपणे विरोध केल्याने विवाह करण्याचा कट रचला आणि त्यानुसार हे कृत्य असे पोलिसांच्या तपासात समोर आले आहे. याप्रकरणी साक्षी शहा, चैतन्य कांबळे, अतिश लंकेश्वर, रामा पवार, आनंद जाधव, मयूर चंदनशिवे अशा संशयित आरोपींना ताब्यात घेण्यात आले आहे.
