जळगाव मिरर | २ सप्टेंबर २०२३
राज्यातील जालना जिल्ह्यातील मराठा आंदोलनाला हिंसक वळण लागले असून आता मराठा आक्रोश मोर्चावर पोलिसांकडून लाठीचार्ज करण्यात आला होता त्यामुळे राज्यातील वातावरण तापले असून त्याचे पडसाद सर्वत्र उमटताना दिसत आहेत. बीड जिल्ह्यामध्ये आंदोलकांकडून बंदची हाक देण्यात आली आहे. तर आता माजी खासदार छत्रपती संभाजी राजे यांनी जालन्यातील मराठी आंदोलनकाची भेट घेत मोठ वक्तव्य याठिकाणी केले आहे.
आज जालन्यातील मराठा आंदोलनकाची माजी खासदार छत्रपती संभाजी राजे यांनी भेट घेतली असून यावेळी त्यांनी लाठीचार्जच्या घटनेचा निषेध केला. आंदोलकांवर तुम्ही गोळीबार कसाकाय करु शकता. मराठ्यांवर गोळी घालायची असेल तर ती आधी छत्रपती संभाजीराजेवर घाला अशी उदिग्न प्रतिक्रिया त्यांनी यावेळी दिली. जालना जिल्ह्यात आंदोलकांवर झालेल्या लाठीचार्जचे पडसाद राज्यात उमटत आहेत.
