जळगाव मिरर । १५ सप्टेंबर २०२३
जळगाव शहरातील रचना कॉलनी एकाच्या घरात घुसून मारहाण करीत कोयत्याने वार करून दुखापत करीत घरातील वस्तूंची नासधूस केल्याचा प्रकार उघडकीस आला होता. या प्रकरणी चौघांविरुद्ध एमआयडीसी पोलीस स्टेशनला गुन्हा दाखल करण्यात आला आला होता. या प्रकरणातील दोन संशयितांना एमआयडीसी पोलिसांनी ताब्यात घेतले आहे. त्यांना न्यायालयात हजर केले असता दोन्ही आरोपीना दोन दिवसांची पोलीस कोठडी सुनावण्यात आली आहे.
मिळालेल्या माहितीनुसार, जळगाव शहरातील दत्त मंदिराजवळील रचना कॉलनीत 14 सप्टेंबर रोजी सायंकाळी सव्वा सहा वाजेच्या सुमारास गोपाल मधुकर चौधरी (वय ४८) यांच्या घरात घुसून संशयी आरोपी शेंड्या उर्फ सुनील रसाळ राठोड अनिल रसाळ राठोड, तांडव उर्फ विशाल पदमसिंह परदेशी यांच्यासह एक अनोळखी यांनी गोपाल चौधरी यांच्यासह त्यांचे पत्नीला मारहाण करून घरातील वस्तूंची नासधूस केली. तसेच त्यांच्या घराबाहेर उभे असलेल्या बुलेट व स्प्लेंडर मोटरसायकलची तोडफोड करून नुकसान करत आमचा ग्रुप मोठा असून तुला मारून टाकू अशी धमकी त्यांनी गोपाल चौधरी यांना दिली. याबाबत गोपाल चौधरी यांनी दिलेल्या फिर्यादीवरून एमआयडीसी पोलीस स्टेशनला चौघांविरुद्ध गुन्हा दाखल करण्यात आला होता
या गुन्ह्यातील आरोपी सुनील रसाल राठोड उर्फ शेंड्या व विशाल पदमसिंह परदेशी उर्फ तांडव यांना कांचन नगर परिसरातून ताब्यात घेऊन आज रोजी न्यायमूर्ती सुवर्णा कुलकर्णी यांच्या न्यायालयात हजर केले असता दोन दिवसाची पोलीस कस्टडी सुनावण्यात आली आहे. सुनील याच्यावर यापूर्वी पाच गुन्हे दाखल असून विशाल याच्यावर दोन गुन्हे दाखल आहे . हि कारवाई पोलीस निरीक्षक जयपाल हिरे यांच्या मार्गदर्शनाखाली पोलीस उपनिरीक्षक दीपक जगदाळे सहाय्यक फौजदार अतुल वंजारी, राजेंद्र उगले छगन तायडे, सुधीर साळवे, इमरान सय्यद ,ललित नारखेडे, किरण पाटील ,सचिन पाटील, आदींनी केली .
