जळगाव मिरर | १ डिसेंबर २०२३
राज्यातील अनेक जिल्ह्यात अपघाताच्या घटना सातत्याने घडत असतांना नुकतेच पुणे-नाशिक महामार्गावर एका भीषण अपघाताची घटना घडली आहे. ट्रक आणि जीपमध्ये झालेल्या अपघातात एकाच कुटुंबातील ३ जणांचा मृत्यू झाला आहे. तर पाच जण जखमी आहेत.
मिळालेल्या माहितीनुसार, भल्या पहाटे मंचरजवळ हा भीषण अपघात झाला आहे. नाशिकवरुन भोसरीच्या दिशेने जात असताना जीपने ट्रकला पाठीमागून जोरदार धडक दिली. ही धडक इतकी जोरदार होती की जीपच्या पुढील भागाचा अक्षरश: चक्काचूर झाला आहे. दाट धुकं असल्याने समोरील ट्रकचा अंदाज न आल्याने हा अपघात झाल्याचं बोललं जात आहे. अपघातात जीपमधील एकच कुटुंबातील तिघांचा मृत्यू झाला आहे. तर ५ जण जखमी असून त्यांच्या रुग्णालयात उपचार सुरु आहे. जखमींमधील काहींची प्रकृती चिंताजनक असल्याची माहिती देखील समोर आहेत.
