जळगाव मिरर | १८ ऑक्टोबर २०२४
राज्यातील अनेक ठिकाणी गुन्हेगारी घटना घडत असतांना गेल्या आठवड्यात अजित पवार गटाचे नेते बाबा सिद्दिकी यांच्या हत्येनंतर सहा दिवसांनंतर अभिनेता सलमान खानला जीवे मारण्याच्या धमक्या आल्या आहेत. ही धमकी मुंबई वाहतूक नियंत्रण कक्षाला व्हॉट्सॲप मेसेजद्वारे देण्यात आली आहे. धमकी देणाऱ्याने स्वतःला लॉरेन्स गँगचा सदस्य असल्याचे सांगितले आहे.
त्याने 5 कोटींची मागणी केली आणि जर पैसे दिले नाहीत तर सलमान खानची अवस्था बाबा सिद्दिकींपेक्षा वाईट होईल, असे सांगितले. मुंबई पोलिस मेसेज पाठवणाऱ्या व्यक्तीचा माग काढण्यात व्यस्त आहेत. सलमानचे जवळचे सहकारी आणि राष्ट्रवादीचे नेते बाबा सिद्दिकी यांची १२ ऑक्टोबरला हत्या झाली होती. यानंतर सलमानची सुरक्षा वाढवण्यात आली होती.
सलमान खानच्या वांद्रे येथील गॅलेक्सी अपार्टमेंटमध्ये गोळीबार झाला. लॉरेन्स ग्रुपने या हल्ल्याची जबाबदारी स्वीकारली आहे. या घटनेच्या दोन महिन्यांनंतर सलमानने मुंबई पोलिसांना निवेदन दिले. तो म्हणाला होता, ‘मी पुन्हा पुन्हा वेगवेगळ्या लोकांकडून टार्गेट होऊन कंटाळलो आहे. यापूर्वीही अनेकवेळा धमक्या आल्या असून दंडही ठोठावण्यात आला आहे. मी अनेक प्रकरणांमध्ये अडकलो आहे.
सलमान खानचे जवळचे सहकारी आणि राष्ट्रवादीचे नेते बाबा सिद्दिकी मुलगा झिशानच्या कार्यालयातून बाहेर पडले होते. त्यानंतर त्याच्यावर 6 गोळ्या झाडण्यात आल्या. सिद्दिकींच्या पोटात दोन आणि छातीवर दोन गोळ्या लागल्या. त्यांना तात्काळ लीलावती रुग्णालयात दाखल करण्यात आले, तेथे रात्री 11.27 वाजता त्यांना मृत घोषित करण्यात आले.