जळगाव मिरर | २३ ऑक्टोबर २०२४
राज्यात विधानसभा निवडणुकीची धामधूम सुरु झाली असून नुकतेच महायुतीमधील घटक पक्ष असणारा मुख्यमंत्री एकनाथ शिंदे यांच्या शिवसेना पक्षाकडून विधानसभा निवडणुकीसाठी पहिली यादी जाहीर करण्यात आली आहे. शिंदे गटाकडून पहिल्या यादीत 45 जणांना उमेदवारी जाहीर करण्यात आली आहे. महायुतीमधील भाजप पक्षाने देखील त्यांची पहिली यादी जाहीर केली होती. तसेच अजित पवारांनी देखील काही उमेदवारांची नावे जाहीर केली होती. त्यामुळे आता जागावाटपावरील मतभेद निवळण्यास सुरू झाले असल्याचे दिसत आहे. काही जागांवर महायुतीमध्ये मतभेद होते. मात्र केंद्रीय गृहमंत्री अमित शहा यांनी मुख्यमंत्री एकनाथ शिंदे यांना जागा त्याग करण्याचा सल्ला दिला होता. त्यामुळे शिवसेनेच्या अनेक जागांवर भाजपने दावा सांगितला आहे.
जळगाव जिल्ह्यातील सर्व जागांवरील उमेदवार शिवसेने जाहीर केले असून भाजपने मुक्ताईनगर मतदार संघ शिवसेनेला सोडल्याने शिवसेनेने मुक्ताईनगर मतदार संघातून अपक्ष आमदार चंद्रकांत निंबा पाटील यांना उमेदवारी जाहीर केली आहे. तर पालकमंत्री गुलाबराव पाटील हे जळगाव ग्रामीण मतदार संघातून लढणार आहेत तसेच शिवसेना पक्षप्रमुख मुख्यमंत्री एकनाथ शिंदे हे कोपरी पाचपाखाडी मतदारसंघातून पुन्हा रिंगणात उतरणार आहेत.
उमेदवारांची मतदार संघानिहाय यादी
१) एकनाथ शिंदे – कोपरी पाचपाखडी
२) चंद्रकांत बळवंत सोनावणे, चोपडा
३) गुलाबराव पाटील,जळगाव ग्रामीणमधून
४) अमोल पाटील,एरोंडल
५) किशोर पाटील, पाचोरा
६) चंद्रकांत निंबा पाटील,मुक्ताईनगर
७) संजय गायकवाड, बुलढाणा
८) डॉ. संजय रायमुलकर,मेहकर
९) अभिजीत अडसूळ, दर्यापूर
१0) आशिष जैस्वाल,रामटेक
११) नरेंद्र भोंडेकर,भंडारा
१२) संजय राठोड,दिग्रस
१३) बालाजी कल्याणकर,नांदेड उत्तर
१४) संतोष बांगर,कळमनुरी
१५) अर्जून पंडितराव खोतकर,जालना
१६) अब्दुल सत्तार,सिल्लोड
१७) प्रदीप जैस्वाल,छत्रपती संभाजी नगर
१८) संजय शिरसाट,छत्रपती संभाजी नगर (पश्चिम)
१९) विलास भूमरे,पैठण
२०) रमेश बोरनारे,वैजापूर
२१) सुहास कांदे,नांदगाव
२२) दादाजी भुसे,मालेगाव
२३) प्रताप बाबूराव सरनाईक,ओवळा माजीवडा
२४) प्रकाश सुर्वे,मागाठाणे
२५) मनिषा वायकर,जोगेश्वरी पूर्व
२६)दिलीप लांडे,चांदिवली
२७) मंगेश अनंत कुडाळकर,कुर्ला मतदारसंघातून
२८) सदा सरवणकर,माहीम
२९) यामिनी जाधव,भायखळा
३०) महेंद्र थोरवे, कर्जत
३१) महेंद्र दळवी,अलिबाग
३२) भरतशेठ गोगावले,महाड
३३) ज्ञानराज चौगुले,उमरगा
३४) तानाजी सावंत,परांडा
३५) शहाजी पाटील,सांगोला
३६) महेश शिंदे,कोरेगाव
३७) शंभूराज देसाई,पाटण
३८) योगेश कदम,दापोलीतून
३९) उदय सामंत,रत्नागिरी
४०) किरण सामंत,राजापूर
४१) दीपक केसरकर,सावंतवाडी
४२) प्रकाश आबिटकर,राधानगरी
४३) चंद्रदीप नरके,करविर
४४) सुहास बाबर, खानापूर
४५) श्रीमती मंजुळाताई तुळशीराम गावित – साक्री (अज)
