जळगाव मिरर | ९ जानेवारी २०२५
कल्याण पश्चिमेतील रोहिदासवाडा भागातील सलीम रामपुरी चाळीत ५०० रुपयांच्या वादावर मोठ्या भावाने लहान भावाचा जीव घेतल्याची धक्कादायक घटना घडली आहे. या प्रकरणी मृतक मुलाची आई अकलिमा खान यांच्या तक्रारीवरून पोलिसांनी मोठ्या मुलावर गुन्हा दाखल केला आहे. बुधवारी रात्री खान कुटुंबीयांच्या घरी हा खून घडला.
मृतकाची ओळख नईम शमीम खान (२७) अशी असून, आरोपी सलीम शमीम खान (३२) हा त्याचा मोठा भाऊ आहे. पोलिसांनी दिलेल्या माहितीनुसार, सलीम आणि नईम हे सख्खे भाऊ असून दोघेही रोहिदास वाडा येथील हनुमान मंदिर परिसरात राहतात. बुधवारी रात्री साडे नऊ वाजता सलीम मद्यपान करून घरात आला आणि त्याने लहान भाऊ नईमवर ५०० रुपयांच्या वादावर तगडा दबाव आणला.
सलीमने आई अकलिमाला विचारले की, “माझ्या खिशातील ५०० रुपये का काढून घेतले?” या मुद्द्यावर दोन्ही भावांमध्ये वाद सुरू झाला. वादाचे निवारण करण्यासाठी अकलिमा खान यांनी मध्यस्थी केली आणि सलीमला सांगितले, “तुझे ५०० रुपये मी देतो, पण तू आपल्या लहान भावाशी भांडण करू नकोस.” मात्र, सलीम ऐकण्याच्या मनस्थितीत नव्हता आणि तो अजून अधिक रागात येत होता.
विचाराने न समजलेल्या सलीमने रागाच्या भरात घरातील सुसाट सुरा घेतला आणि आपल्या लहान भावावर वार केले. सुर्याचे घाव बसल्यामुळे, नवीन खान गंभीर जखमी झाले. त्यांना तातडीने रुग्णालयात नेण्यात आले, परंतु डाॅक्टरांनी त्यांना मृत घोषित केले.या घटनेनंतर सलीम फरार झाला होता. पोलिसांनी त्वरित तपास सुरू करून सलीमला अटक केली आहे. बाजारपेठ पोलिसांनी आई अकलिमा खान यांच्या तक्रारीवरून सलीम खानविरुद्ध खुनाचा गुन्हा नोंद केला आहे.
