जळगाव मिरर | २५ फेब्रुवारी २०२५
देशातील अभिनेते व अभिनेत्री नेहमीच आपल्या खाजगी आयुष्यामुळे नेहमीच चर्चेत येत असतांना दिसत असते. आता अलीकडेच सुष्मिता सेनने तिच्या इंस्टाग्राम लाईव्ह सत्राद्वारे चाहते आणि फॉलोअर्सशी संवाद साधला. यावेळी तिने लग्नाबद्दलचे आपले विचारही मांडले. ती म्हणाली की तिला लग्न करायचे आहे, पण तिला योग्य जीवनसाथी शोधावा लागेल.
खरंतर, इंस्टाग्रामवर लाईव्ह सेशनदरम्यान सुष्मिता सेनने सांगितले की ती जयपूरमध्ये एका लग्नात सहभागी झाली होती. यावर एका युजरने सुष्मिताला तिच्या लग्नाबद्दल प्रश्न विचारला. त्यावर ती म्हणाली- ‘मलाही लग्न करायचे आहे.’ मला लग्नासाठी योग्य असा कोणीतरी शोधायला हवा. लग्न असे होत नाही. असं म्हणतात की मनाचे नाते खूप रोमँटिक पद्धतीने घडते. संदेश हृदयापर्यंत पोहोचला पाहिजे. मी पण लग्न करेन.
सुष्मिता सेनने मॉडेल रोहमन शॉलला अडीच वर्षे डेट केले. दोघांमध्ये १५ वर्षांचा फरक होता. दोघेही लिव्ह-इन रिलेशनशिपमध्ये होते. रोहमनचे सुष्मिताच्या दोन्ही मुली, रेनी आणि अलिसा यांच्याशीही खूप चांगले संबंध आहेत. पण २०२१ मध्ये दोघांचेही ब्रेकअप झाले. सुष्मिताने स्वतः एका इंस्टाग्राम पोस्टद्वारे ही माहिती दिली. तिने लिहिले होते- ‘आम्ही सुरुवात मित्र म्हणून केली, आम्ही मित्रच राहिलो!!’ नातं खूप जुनं झालं होतं… प्रेम अजूनही आहे. पण, तरीही दोघेही अनेक वेळा एकत्र दिसतात.
