अमळनेर : प्रतिनिधी
तालुक्यातील नंदगांव येथे बस आणि दुचाकीच्या समोरा समोर धडक झाल्याने दुचाकीस्वार तरुणाचा बसच्या धडकेने जागीच मृत्यू झाला आहे.
पिंगळवाडे – अमळनेर बस ही नंदगाव गावातील वळण रस्त्यावर असतांना त्याच गावातील तरुण मयत किरण हिरालाल पाटील वय वर्ष 21 हा आपला चुलता सदाशिव जितेंद्र पाटील यांच्या सोबत मोटरसायकल वर गावात येत असतांना बसला धडक दिल्याने मृत्यू झाल्याची घटना घडली.
किरण पाटील याला गावकऱ्यांनी ग्रामीण रुग्णालयात आणल्या नंतर वैद्यकीय अधिकारी डॉ प्रकाश ताडे यांनी मृत घोषित केले तर सोबतचा सदाशिव पाटील याला डोळ्याला गंभीर दुखापत झाल्याने शहरातील एका खाजगी रुग्णालयात उपचारासाठी दाखल करण्यात आले आहे. मयत किरण हा प्रताप कॉलेजमध्ये द्वितीय वर्षात शिक्षण घेत होता. तर घराची हलाखीची परिस्थिती असल्याने शहरातील एका कृषी केंद्रावर कामाला जात असल्याचे कळाले. किरण हा आपल्या आई वडिलांना एकुलता एक मुलगा असल्याने त्यांचा आक्रोश हा मनहेलवणारा होता. त्याच्या मृत्यूने संपुर्ण गाव हळहळ व्यक्त करीत होता.
