जळगाव मिरर | २८ एप्रिल २०२५
प्रेमनगर येथील बी.यू.एन. रायसोनी स्कूलमध्ये अक्षय तृतीया आणि भगवान परशुराम जयंती मोठ्या उत्साहात साजरी करण्यात आली. सर्वप्रथम पालक शिक्षक संघाचे सदस्य प्रशांत मंडाले व नगराज पाटील यांच्या हस्ते प्रतिमापूजन करण्यात आले.
सुरुवतीला नर्सरी ते दुसरीच्या विद्यार्थ्यांनी फॅन्सी ड्रेस स्पर्धेत सहभाग नोंदविला. त्यानंतर तिसरी व चौथीच्या विद्यार्थ्यांनी ‘श्रीकृष्ण-सुधामा भेट’ या विषयावर नाटीका सादर केली. तर,पाचवी ते नववीच्या विद्यार्थ्यांनी भगवान परशुराम व त्रेतायुगातील कथा कथन केल्या. या विद्यार्थ्यांनी भगवान परशुराम, श्रीकृष्ण-सुधामा, श्रीविष्णू, राधा व देवी लक्ष्मी यांच्या सुंदर चित्रकृतीही रेखाटल्या.
सूत्रसंचालन तिसरीच्या भैरवी मराठे, कुश सैंदाने व सान्वी साळुंखे यांनी केले. या प्रसंगी मुख्याध्यापक मनोज शिरोळे यांनी भगवान परशुराम व अक्षय तृतीयाचे महत्त्व सांगितले. कार्यक्रमानंतर सर्व सहभागी विद्यार्थ्यांना सहभाग प्रमाणपत्र देण्यात आले. उत्कृष्ट कामगिरी करणाऱ्या विद्यार्थ्यांना प्रमाणपत्रासोबत आकर्षक गिफ्ट देण्यात आले. विद्यार्थ्यांसह शिक्षकांना अध्यक्ष शिरीष रायसोनी व उमेद रायसोनी यांनी शुभेच्छा दिल्या.
