जळगाव मिरर | ८ मे २०२५
पहलगाम हल्ल्यानंतर भारताने ऑपरेशन सिंदूर अंतर्गत पाकिस्तानमधील 9 दहशतवादी अड्डे उद्ध्वस्त केले आहेत. भारताच्या या कृतीनंतर पाकिस्तान अस्वस्थ झाला असून नियंत्रण रेषेवर (LOC) गोळीबार झाला आहे. नियंत्रण रेषेजवळील गावांवर तोफखाना आणि तोफगोळ्यांचा मारा करण्यात आला, ज्यामध्ये एक महिला आणि दोन मुलांसह ७ जण ठार झाले आणि ३८ जण जखमी झाले. सर्व सातही मृत्यू सर्वाधिक नुकसान झालेल्या पूंछ जिल्ह्यात झाले, तर २५ जण जखमी झाले. बारामुल्ला जिल्ह्यातील उरी सेक्टरमध्ये १० आणि राजौरी जिल्ह्यात तीन जण जखमी झाल्याचे अधिकाऱ्यांनी सांगितले. भारताने केलेल्या कारवाईमुळे पाकिस्तानची चांगलीच टरकली होती मात्र तरी देखील पाकिस्तान छोटे हल्ले करीत आहे.
भारतीय लष्करानेही याला चोख प्रत्युत्तर दिले आहे. भारताच्या प्रत्युत्तराच्या कारवाईत पाकिस्तानी सैन्याचेही नुकसान झाले आहे. विभागीय आयुक्त जम्मू यांनी माहिती दिली की, सध्याची परिस्थिती पाहता, जम्मू, सांबा, कठुआ, राजौरी आणि पूंछमधील सर्व शाळा, महाविद्यालये आणि शैक्षणिक संस्था आज बंद राहतील.
पाकिस्तान आपल्या नापाक कारवाया थांबवण्याची कोणतीही चिन्हे दाखवत नाहीयेत. जिथे एकीकडे भारताने धडा शिकवण्याचा प्रयत्न केला. त्याच वेळी, पाकिस्तान घाबरला आणि नियंत्रण रेषेवर पुन्हा गोळीबार केला. ०६-०७ मे २०२५ च्या रात्री, पाकिस्तानी सैन्याने जम्मू आणि काश्मीरकडे असलेल्या नियंत्रण रेषेवरील आणि आंतरराष्ट्रीय सीमा ओलांडून मनमानी गोळीबार केला, ज्यामध्ये तोफखान्याचा मारा करण्यात आला.
या अंदाधुंद गोळीबारात तीन निष्पाप नागरिकांना आपला जीव गमवावा लागला. पाकिस्तानच्या या गोळीबाराला भारतीय लष्कराने चोख प्रत्युत्तर दिले. तथापि, याआधीही, पहलगाम हल्ल्यानंतर, पाकिस्तान सतत युद्धबंदीचे उल्लंघन करत आहे, ज्याला भारत योग्य उत्तर देत आहे. पाकिस्तानने पुन्हा एकदा शस्त्रसंधीचे उल्लंघन करत पूंछ-राजौरी सेक्टरमधील भिंबर स्ट्रीट आणि कुपवाडा जिल्ह्यातील कर्नह भागात गोळीबार केला. या हल्ल्यानंतर लोक घाबरले आहेत आणि स्वतःचे रक्षण करण्यासाठी ते भूमिगत बंकरमध्ये लपले आहेत. भारताने कोणत्याही पाकिस्तानी लष्करी तळाला लक्ष्य केले गेले नाही. भारताने लक्ष्य निवडण्यात आणि त्यांची पद्धत यामध्ये खूप संयम दाखवला, परंतु तरीही पाकिस्तानने नियंत्रण रेषेवर गोळीबार केला, ज्यामुळे पुन्हा एकदा निष्पाप भारतीयांचा मृत्यू झाला.
