जळगाव मिरर | १० सप्टेंबर २०२५
कॉंग्रेसचे नेते राहुल गांधी रायबरेली या त्यांच्या मतदारसंघाच्या दोन दिवसांच्या दौऱ्यावर आले आहे. भातीय जनता पार्टीचे लोक संपूर्ण देशात अस्वस्थ आहेत, कारण आम्ही त्यांची मतांची चोरी पकडली आहे. आम्ही ही चोरी महाराष्ट्र, हरियाणा, उत्तर प्रदेश, कर्नाटक, सर्वत्र पकडली आहे अशी टीका कॉंग्रेस खासदार आणि लोकसभेतील विरोधी पक्षनेते राहुल गांधी यांनी केली.
दिदौली येथे बूथ कार्यकर्त्यांना संबोधित करताना राहुल म्हणाले की, महाराष्ट्रात लोकसभेत आमची आघाडी जिंकते, लोकसभेत आमचा विजय झाल्यावर चार महिन्यांनंतर विधानसभा निवडणुकीत आमचा सफाया होतो. आम्ही तपास केल्यावर लोकसभेनंतर सुमारे एक कोटी नवीन मतदार जोडले गेले असल्याचे आम्हाला आढळले. लोकसभा आणि विधानसभेत आमच्या मतांमध्ये कोणताही फरक नव्हता, भाजपची मते वाढली. जिथे नवीन मतदार आहेत तिथे भाजपची मते वाढली आणि सर्व नवीन मतदार भाजपच्या खात्यात गेले. मी निवडणूक आयोगाकडे तक्रार केली, तुम्ही म्हणत आहात की लोकसभेत नवीन मतदार नव्हते, आता तुम्ही म्हणत आहात की विधानसभेत नवीन मतदार आले आहेत.
राहुल गांधींचा बटोही रिसॉर्टमध्ये बूथ अध्यक्षांशी भेटण्याचा कार्यक्रम ठरला होता. ते कार्यक्रमस्थळी पोहोचण्यापूर्वीच, राज्य सरकारचे स्वतंत्र प्रभार राज्यमंत्री प्रताप सिंह यांनी त्यांच्या समर्थकांसह काठवाराजवळ धरणे आंदोलन सुरू केले. यावर अधिकाऱ्यांनी खासदार राहुल गांधी यांचा ताफा वाटेतच थांबवला.
स्वतंत्र प्रभार राज्यमंत्र्यांचे समर्थक हातात फलक घेऊन होते ज्यात राहुल गांधी परत जा असे लिहिले होते. प्रशासकीय अधिकाऱ्यांनी राज्यमंत्र्यांना समजावण्याचा प्रयत्न केला, परंतु जोरदार निदर्शनांवर समर्थक ठाम राहिले. बराच वेळ वाट पाहिल्यानंतर, खासदारांचा ताफा महामार्गाच्या दुसऱ्या लेनमधून बाहेर काढण्यात आला.
