जळगाव मिरर | २ मे २०२६
सर्वसामान्य प्रवाशांना सवलतीच्या दरात प्रवासाचा लाभ मिळावा यासाठी मेहरूण परिसरात एस.टी. स्मार्ट कार्ड नोंदणी शिबिराचे आयोजन करण्यात आले आहे. हे शिबिर रविवारी, दि. 03 मे 2026 रोजी सकाळी 10 ते सायंकाळी 5 वाजेपर्यंत दत्त मंदिराजवळ, दत्त नगर, मेहरूण येथे आयोजित करण्यात आले आहे. या शिबिराच्या माध्यमातून नागरिकांना एस.टी. प्रवासासाठी स्मार्ट कार्ड तयार करून घेता येणार असून, विविध शासकीय योजनांचा थेट लाभ मिळणार आहे.
या स्मार्ट कार्डच्या माध्यमातून राज्य शासनाच्या महिला सन्मान योजनेअंतर्गत सर्व महिला व मुलींना एस.टी. प्रवासावर 50 टक्के सवलत मिळणार आहे. त्यामुळे नियमित प्रवास करणाऱ्या महिलांसाठी ही योजना अत्यंत फायदेशीर ठरणार आहे. ज्येष्ठ नागरिकांनाही या स्मार्ट कार्डद्वारे सवलतीच्या दरात किंवा काही प्रकरणांत मोफत प्रवासाचा लाभ मिळणार आहे. त्यामुळे वयोवृद्ध नागरिकांनी या शिबिराचा लाभ घ्यावा, असे आवाहन आयोजकांकडून करण्यात आले आहे.
स्मार्ट कार्ड तयार करण्यासाठी नागरिकांनी खालील कागदपत्रे सोबत आणणे आवश्यक आहे: आधार कार्ड स्वतःचा मोबाईल (OTP साठी आवश्यक) संबंधित व्यक्तीची प्रत्यक्ष उपस्थिती आवश्यक
या शिबिरासाठी प्रभाग क्र. 17 ड चे नगरसेवक अक्षय योगेश वंजारी यांचे सहकार्य लाभले असून, नागरिकांनी मोठ्या संख्येने उपस्थित राहून या सुविधेचा लाभ घ्यावा, असे आवाहन करण्यात आले आहे. अधिक माहितीसाठी मयूर सांगळे यांच्याशी संपर्क साधण्याचे आवाहनही करण्यात आले आहे.
