जळगाव मिरर | ३० मार्च २०२५
एसटी बस व दुचाकीच्या समोरासमोर झालेल्या अपघातात दुचाकीस्वार जागीच ठार झाल्याची घटना २९ रोजी रात्री पावणे आठ वाजेच्या सुमारास अमळनेर ते शिंदखेडा रस्त्यावरील गलवाडे ते झाडी गावांदरम्यान घडली.
मिळालेल्या माहितीनुसार, शिरपूरहुन अमळनेर येणारी बस (एमएच- २०, बीएल- ११९२) व अमळनेर कडून शिरपूर जाणारी दुचाकी (एमएच १८, बीटी ००९३) यांच्यात समोरासमोर धडक झाली. त्यात दुचाकीस्वार जागीच ठार झाला आहे. अपघातानंतर दुचाकीस्वाराच्या शरिरातून मोठा रक्तस्त्राव झाला. तर अपघाताचे वृत्त पोलिसांना कळवण्यात आले आहे. तावखेडा येथील दिलीप पाटील असे दुचाकी चालकाचे नाव असल्याचे दुचकीच्या क्रमांकावरून समजते. रात्री उशिरापर्यंत पुढील प्रक्रिया सुरू होती. दरम्यान, घटनेची माहिती मिळताच अमळनेर पोलीस ठाण्याचे पोलीस निरीक्षक दत्तात्रय निकम यांनी घटनास्थळी धाव घेतली. हा अपघात मारवड पोलीस ठाण्याच्या हद्दीत घडल्याने तातडीने मारवडचे सहाय्यक पोलीस निरीक्षक जीभाऊ पाटील यांना बोलावून घेण्यात आले होते
