जळगाव मिरर | २२ मे २०२५
जळगाव जिल्ह्यातील अनेक ठिकाणी अपघाताच्या घटना घडत असतांना आता भुसावळ तालुक्यातील साकरी फाटाजवळ दिपनगरकडे जाणाऱ्या रस्त्यावर कार उलटल्याने चार वर्षीय मुलीचा मृत्यू झाल्याची घटना बुधवारी दुपारी घडली.
सविस्तर वृत्त असे कि, साकरी फाट्याजवळ दिपनगरकडे जाणाऱ्या रस्त्यावर, जुना फेकरी टोल नाक्याजवळ महामार्गवर कार (क्रमांक एम. एच. ०४ जीएम ०६८०) उलटल्याने आरोशी विजय बशीरे (वय ४, रा. निंभोरा, ता. भुसावळ) हिचा जागीच मृत्यू झाला. डॉ. लोकेश नेहेते (रा. आनंदनगर विठठल कृपा मेडीकल शेजारी जामनेर रोड भुसावळ) यांनी माहिती दिल्यावरून भुसावळ तालुका पोलिस स्टेशनमध्ये अकस्मात मृत्यूची नोंद करण्यात आली आहे. पुढील प्राथमिक तपास प्रभारी अधिकारी पोलिस उपनिरीक्षक श्यामकुमार मोरे मार्गदर्शनाखाली पोलीस संदीप बडगे हे करीत आहेत.
