जळगाव मिरर | २० फेब्रुवारी २०२५
शहरातून अवैधपणे बायोझिडेलची वाहतुक करणाऱ्या दोन टँकवर एमआयडीसी पोलीसांच्या पथकाने मंगळवारी मध्यरात्री २ वाजेच्या सुमारास अजिंठा चौफुलीवर कारवाई करीत जप्त केले. या कारवाईत २७ लाख रुपयांचा मुद्देमाल पोलिसांनी जप्त केला. याप्रकरणी एमआयडीसी पोलीस ठाण्यात टँकर चालकांसह त्यांच्या मालकांविरुद्ध गुन्हा दाखल करण्यात आला आहे.
सविस्तर वृत्त असे कि, शहरातील अजिंठा चौफुली येथे एमआयडीसी पोलीस ठाण्याचे पोलीस उपनिरीक्षक चंद्रकांत धनके यांच्यासह पोलीस पथक मंगळवारी मध्यरात्री २ वाजता गस्तीवर असताना अजिंठा चौफुली येथून संशयास्पदरित्या जाणारे दोन ट्रॅकर पोलिसांनी थांबवले. त्यावेळी चालकांची चौकशी केली असता दोघांनी पोलीसांना उडवाउडवीची उत्तरे दिली. दरम्यान पोलिसांनी चौकशी केली असता दोन्ही ट्रॅकरमध्ये बायोडिझेल भरलेले आढळून आले. दरम्यान पोलिसांनी टँकर क्रमांक (जीजे १२ बीटी ११८१) आणि (जेजे १२ बीटी ४२८४) अशी दोन्ही वाहने हे एमआयडीसी पोलीस ठाण्यात आणण्यात आले.
पोलिसांनी आणलेल्या टँकरचा पुरवठा विभागाच्या अधिकाऱ्यांच्या उपस्थितीत पंचनामा करुन त्यांचे सॅम्पल तपासणीसाठी पाठविण्यात आले आहे. या दोन्ही वाहनांमध्ये मिळून एकूण २७ लाख रुपये किमतीचे बायोडिझेल असल्याचे उघडकीला आले.
याप्रकरणी पोलीस नाईक विकास सातदिवे आणि सिद्धेश्वर डापकर यांनी दिलेल्या फिर्यादीवरून वाहन चालक सद्दाम सय्यद अकबर (वय २३, रा. बच्छाव राज्य गुजरात) आणि लतीफ भाई फकीर मोहम्मद हिंगोरजा (वय २४, रा. आडेचार जि. कच्छ राज्य गुजरात यांच्यासह टँकरचे मालक ज्ञानेश्वर भारत शेजोळे (वय २१, रा.उकडी ता. बुलढाणा) आणि सुलेमान इलियास छेरेया (रा. वरसाना कच्छ राज्य गुजरात) या चार जणांविरुद्ध एमआयडीसी पोलीस ठाण्यात गुन्हा दाखल करण्यात आला आहे. या घटनेचा पुढील तपास पोलीस उपनिरीक्षक राहुल तायडे आणि चंद्रकांत धनगे हे करीत आहे.
