जळगाव मिरर | ९ जून २०२५
शासनाकडून बाल विवाह रोखण्यासाठी विविध कायदे करण्यात आले असले तरी आजही मोठ्या प्रमाणात बाल विवाह होत आहेत. अशातच जिल्ह्यातून एक धक्कादायक घटना पारोळा तालुक्यात उघडकीस आली असून पोलीसात सहा जणांविरुद्ध पोक्सो अंतर्गत गुन्हा दाखल करण्यात आला आहे.
सविस्तर वृत्त असे कि, पारोळा तालुक्यातील एका गावात अल्पवयीन तरुणीचा अज्ञातपणाचा फायदा घेऊन तिचे लग्न लावत तिला गर्भवती केल्या प्रकरणी सासर व माहेर कडील सहा व्यक्तींवर गुन्हा दाखल करण्यात आला. या बाबत पीडित तरुणीने पोलिसांत दिलेल्या फिर्यादीत म्हटले आहे की, वडीलांनी आपण अल्पवयीन असताना सासरकडील तुकाराम दिपचंद भिल, मंजाबाई भिल, सुनील भिल, गोकुळ भिल यांच्याशी संगनमत करत अजय तुकाराम भिल याच्याशी जबरदस्तीने लग्न लावून दिले होते.
दरम्यान अजय भिल याने वेळोवेळी शारीरिक संबंध ठेवल्याने अल्पवयीन मुलगी गर्भवती राहिली असुन दि. ७ रोजी पोटात त्रास झाल्याने सरकारी दवाखान्यात दाखल केले असता तीने एका मुलीला जन्म दिला. प्रसुत झालेली मुलगी ही अल्पवीयन असल्याची बाब डॉक्टरांच्या लक्षात आली. त्यानंतर या प्रकरणी सासर व माहेर कडील एकूण सहा जणांविरोधात पोक्सो कलमानुसार गुन्हा दाखल झाला. पुढील तपास चंद्रसेन पालकर करीत आहे.
