जळगाव मिरर | ११ मे २०२५
शहरातील अयोध्या नगर परिसरातील सद्गुरु नगर येथे काही अनोळखी इसमांनी दि.१० रोजी मध्यरात्रीच्या सुमारास एका चारचाकी वाहनाचे काच फोडून नुकसान केल्याची घटना घडली आहे. याप्रकरणी एमआयडीसी पोलीस स्थानकात अदखलपत्र गुन्हा दाखल करण्यात आला आहे.
मिळालेल्या माहितीनुसार, जळगाव शहरातील अयोध्या नगर परिसरात असलेले सद्गुरु नगर येथे सागर शॉपीच्या मागील बाजूस गौरव शंकर निंबाळकर (वय 32) हे ऑनलाईन मल्टी सर्विसेसचा व्यवसाय करीत आपल्या परिवाराचा उदरनिर्वाह करीत आहे. दिनांक १० मे २०२५ रोजी मध्यरात्रीच्या सुमारास देशमुख डेअरीच्या मागील बाजूस गौरव निंबाळकर यांची महिंद्रा कार MH 19 EP 1800 या चार चाकी गाडीचा मागील भागाचा काच अज्ञात आरोपीने फोडून नुकसान केले आहे. गौरव निंबाळकर हे सकाळी आपले वाहना जवळ गेले असता त्यांना चारचाकी वाहनाच्या मागील बाजूचा काच फुटलेला दिसला. त्यांनी लागलीच एमआयडीसी पोलीस स्थानकात धाव घेत अज्ञात आरोपी विरोधात गुन्हा दाखल करण्यात आला आहे पुढील तपास पोहे का गणेश वंजारी हे करीत आहे.
