जळगाव मिरर | १४ डिसेंबर २०२३
गेल्या काही वर्षापासून महाराष्ट्र दहशतवादी विरोधी पथक(ATS) अनेक भागात कारवाई करीत आहे. नुकतेच या पथकाने देशातील गोपनीय माहिती पाकिस्तानला पुरविल्याबद्दल एका २३ वर्षांच्या तरुणाला अटक केली आहे. सदर तरुणाचे नाव गौरव पाटील(जळगाव) येथील असल्याचे एटीएसने सांगितले आहे. एएनआय या वृत्तसंस्थेने एक्स या सोशल मीडिया साईटवर ही बातमी दिली आहे. हा तरूण नेव्हल डॉक येथे शिकाऊ उमेदवार म्हणून काम करत आहे.
Maharashtra ATS has arrested an accused on charges of collating confidential information about the Indian Government with a Pakistani agency. A youth named Gaurav Patil (23), who worked in the Naval Dock (Civil apprentice) has been arrested in the matter.
The accused was in…
— ANI (@ANI) December 13, 2023
मिळालेल्या माहितीनुसार, ठाण्यातील एक संशयित पाकिस्तानातील गुप्तचर विभागातील हस्तकाला भारतातील प्रतिबंधित क्षेत्रातील गोपनीय व संवेदनशील माहिती देत असल्याची माहिती दहशतवाद विरोधी पथकाला मिळाली होती. त्यानुसार पथकाने तपास सुरू केला. तांत्रिक पुराव्याच्या मदतीने गौरव पाटीलला ताब्यात घेत चौकशी केली. तेव्हा, एप्रिल ते ऑक्टोबर २०२३ या कालावधीत फेसबुक व व्हॉट्सअॅपद्वारे पाकिस्तानातील दोन हस्तकांशी ओळख झाली होती. याच ओळखीतून त्याने गोपनीय व संवेदनशील माहित पुरवली. या माहितीच्या बदल्यात त्याने पैसे स्वीकारल्याचे तपासात समोर आले. त्यानुसार, पाटीलसह त्याच्या संपर्कात असलेल्या तिघांविरोधात एकूण चार जणांविरुद्ध यूएपीए कायद्यांतर्गत गुन्हा दाखल करण्यात आला आहे. यामध्ये दोन पाकिस्तानी नागरिकांचा समावेश आहे. तिसऱ्या व्यक्त्तीबाबत अधिक तपास सुरू आहे. पाटीलला अटक करण्यात आली आहे.
