जळगाव मिरर । २ जानेवारी २०२३
चाळीसगाव तालुक्यातील बिलाखेड येथील तरुणाचा भरधाव ट्रकच्या जोरदार धडकेत जागीच ठार झाल्याची घटना रविवारी दुपारी अडीच वाजेच्या सुमारास शहरातील मोठ्या पुलावर घडली आहे. नवीन वर्षाच्या पहिल्याच दिवशी हा भीषण अपघात घडल्याने सर्वत्र हळहळ व्यक्त होत आहे.
सविस्तर वृत्त असे कि, बिलाखेड येथील विश्वनाथ विजय वाघ (३२) हा आपल्या दुचाकीने जात असताना अचानक ट्रकने (एमएच १८ बीजी १७९२) जोरदार धडक दिली. या भीषण अपघातात विश्वनाथ विजय वाघ या तरुण चाकाखाली दाबला गेला आणि जागीच त्याचा मृत्यू झाला. या घटनेची माहिती कळताच चाळीसगाव शहर पोलिसांनी घटनास्थळी धाव घेऊन पाहणी केली व मृतदेहाला ग्रामीण रुग्णालयात नेण्यात आले. तत्पूर्वी घटना घडताच आयशरवरील चालक पसार झाला आहे. याप्रकरणी शहर पोलिसांत अपघाताचा गुन्हा दाखल झाला आहे.
