जळगाव मिरर | २० ऑगस्ट २०२३
जळगाव शहरातील मध्यवर्ती भागात असलेल्या गोलानी मार्केट परिसर हा मोबाईल खरेदी विक्री करण्याचे मोठे ठिकाण असल्याचे समजते. याच मार्केटमधून एकाने तब्बल ४५ हजारांचा सॅमसंग कंपनीचा मोबाईल लांबविण्याचे घटना उघडकीस आली आहे याप्रकरणी शहर पोलीस स्थानकात गुन्हा दाखल करण्यात आला आहे.
पोलिसांनी दिलेल्या माहितीनुसार जळगाव शहरातील गोलाणी मार्केट परिसरात कुणाल रावलानी (वय ४२) यांच्या मालकीची व्हीकेच गॅलेक्सी नावाचे मोबाईल दुकान असून दिनांक २५ मार्च रोजी दुपारी बारा वाजेच्या सुमारास संशयित आरोपी आश्चर्य सचन हा दुकानात आला असता त्यांनी ४५ हजार रुपये किमतीचा सॅमसंग कंपनीचा एक मोबाईल दुकानावरील काउंटरवर असताना चोरून नेला आहे याप्रकरणी कुणाल राहुल रावलानी यांनी दिलेल्या फिर्यादीवरून संशयित आरोपी आश्चर्य संचन याच्या विरोधात गुन्हा दाखल करण्यात आला आहे. याप्रकरणी पोलीस निरीक्षक अनिल भवारी यांच्या मार्गदर्शनाखाली पोलीस नाईक गजानन बडगुजर हे करीत आहे.
