जळगाव मिरर | १५ ऑक्टोबर २०२३
मित्रांमध्ये किरकोळ वादातील कुरापतीचा वाद वाढल्याने डोक्यात काठी मारताच मित्राचा मृत्यू झाल्याची धक्कादायक घटना वरणगाव फॅक्टरी परिसरातील सुशील नगर सर्कलनजीक घडली आहे. हि घटना रविवारी सकाळी १० वाजेच्या सुमारास घडली.
मिळालेल्या माहितीनुसार, वरणगाव शहरातील शिवाजीनगरातील रहिवासी प्रमोद ज्ञानेश्वर महाजन (वय ५८) हे मुक्ताईनगरातील ८१ गाव पाणीपुरवठा विभागात कर्मचारी आहे. हे एका मित्रासोबत वरणगाव फॅक्टरीतील सुशील नगर सर्कलवर आल्यानंतर त्यांची संशयित आरोपी तथा मित्र असलेल्या दीपक सिंग सोबत भेट झाली. यावेळी गप्पांमध्ये जुना वाद उकरून निघाल्यानंतर दोघांमध्ये बाचाबाची झाली व काहींनी मध्यस्थी केल्यानंतर वाद मिटला मात्र पुन्हा कुरापत निघाल्यानंतर संशयित दीपक सिंगने काठीचा फटका प्रमोद महाजन यांच्या डोक्यावर मारताच घाव वर्मी लागताच त्यांचा मृत्यू झाला. पोलिस उपअधीक्षक राजकुमार शिंदे, वरणगावचे सहाय्यक निरीक्षक आशिषकुमार अडसुळ व सहकार्यांनी घटनास्थळी धाव घेतली. मृतदेह शवविच्छेदनासाठी हलवण्यात आला असून आरोपीला ताब्यात घेण्यात आले आहे.
