जळगाव मिरर | १४ डिसेंबर २०२३
देशात गेल्या काही महिन्यापासून सोन्यासह चांदीच्या दरात घसरण झाली होती, त्यामुळे अनेक ग्राहकांनी बाजारात सोने खरेदीसाठी मोठी गर्दी केली होती पण आता भारतीय सराफ बाजारात आज १४ डिसेंबरला सोने आणि चांदी महाग झाली आहे.
गेल्या आठ दिवसांपासून सोन्या चांदीच्या दरात सतत घसरण पाहायला मिळाली परंतु, आज सोन्याचे भाव वाढले आहेत. जळगावाच्या सुवर्णनगरीत सोन्याच्या भावात 1 हजार 200 रुपयांची तर चांदीच्या भावात 3 हजार रुपयांची वाढ झाली. सोनं 62 हजार 500 रुपये प्रति 10 ग्रॅम तर चांदीचे भाव 75 हजार रुपये प्रति किलो झाले आहेत.
सोन्या चांदीचे भावात चढ उतार कायम पाहायला मिळाली. सोन्याच्या भावात एका दिवसात 1200 रुपयांची वाढ तर चांदीच्या भावात ३ हजार रुपयांनी वाढ झालेली पाहायला मिळाली. मागच्या आठवड्यात ४ डिसेंबरला सोन्याने $2150 चा उच्चांक गाठून विक्रमी नोंद केली होती. अशातच आज पुन्हा सोन्याच्या दरात वाढ झालेली पाहायला मिळाली आहे. त्यामुळे खरेदीदारांना पुन्हा एकदा झटका लागला आहे. गुड रिटर्न्सच्या वेबसाइटसनुसार आज सकाळच्या सत्रात २२ कॅरेटनुसार १ ग्रॅम सोन्यासाठी ५,७८० रुपये मोजावे लागणार आहे. तसेच २४ कॅरेटनुसार १० ग्रॅमसाठी ६३,०४० रुपये मोजावे लागतील. तसेच चांदीच्या किमतीही वाढल्या आहेत. आज प्रतिकिलो चांदीसाठी (Silver) ७७,५०० रुपये मोजावे लागतील. आज चांदीतही १०० ग्रॅमसाठी २५० रुपयांनी वाढ झाली आहे.