मेष : आज घरातील ज्येष्ठांचा आदर केल्याने तुमच्या भाग्यात वृद्धी होईल. राजकीय संपर्क तुम्हाला चांगली संधी देतील. महिलांसाठी आजचा दिवस विशेष शुभ आहे. भूतकाळातील नकारात्मक गोष्टी आज दिवस खराब करणार नाहीत याची काळजी घ्या. व्यवसायात पूर्ण पारदर्शकता राखा. पती-पत्नीमध्ये सहकार्याचे नाते राहील. पाय दुखणे, सूज येणे यासारख्या समस्या असतील.
वृषभ : आज भावनांच्या आहारी जावून कोणताही चूकीचा निर्णय घेवू नका. जवळच्या नातेवाईकांशी मालमत्तेबाबत महत्त्वपूर्ण चर्चा होईल. रागावर नियंत्रण ठेवा अन्यथा कुटुंबातील सदस्यांना त्रास होईल. स्वभावात सकारात्मकता ठेवा. तणावामुळे काही कामे अपूर्ण राहू शकतात. कार्यक्षेत्रात कोणताही महत्त्वाचा निर्णय घेण्यापूर्वी अनुभवी व्यक्तीचा सल्ला घ्या. आरोग्य चांगले राहील.
मिथुन : परिस्थिती तुमच्यासाठी अनुकूल आहे. संपर्कक्षेत्रात वाढ करण्यासाठी प्रयत्नशील राहा. आज धार्मिक आणि आध्यात्मिक कार्यात वेळ व्यतित कराल. वाहन खरेदीचा विचार करत असाल तर आजची वेळ योग्य आहे. बाहेरच्या व्यक्तीला कुटुंबातील प्रश्नांत ढवळाढवळ करु देऊ नका. मुलांचे वर्तन हट्टी असेल त्यांच्यावर जास्त नियंत्रण ठेवू नका. पती-पत्नीचे नाते मधूर होईल. रक्तदाबाची समस्या असणार्यांनी काळजी घ्यावी.
कर्क : आज राजकीय संबंध तुम्हाला फायदा देऊ शकतात. जनसंपर्काची व्याप्तीही वाढेल. समाजात आणि जवळच्या नातेवाईकांमध्ये विशेष स्थान असेल. सेवाभावी वृत्तीने कुटुंबातील ज्येष्ठांचा आर्शीवाद लाभेल. अनोळखी व्यक्तीशी व्यवहार करताना काळजी घ्या. व्यावसायिक कामे मंद होतील. घर आणि व्यवसाय दोन्हीमध्ये सामंजस्य राखणे आवश्यक आहे. विचारांमधील नकारात्मकतेमुळे तणाव, नैराश्य यासारखी परिस्थिती उद्भवू शकते.
सिंह : आज बहुतांशवेळ वैयक्तिक आणि आवडीच्या कामांत व्यतित कराल. सामाजिक कार्यातही तुम्हाला रस असेल. विद्यार्थ्यी अभ्यासावर लक्ष केंद्रीत करतील. कुटुंबातील एखाद्या व्यक्तीच्या वैवाहिक जीवनातील मतभेद तुमच्या सल्ल्याने सोडवता येतील. व्यवसायात चांगली ऑर्डर मिळू शकते. घरात शिस्तबद्ध वातावरण राहील. आरोग्याकडे दुर्लक्ष करु नका.
कन्या : मेहनतीने परिस्थिती तुमच्यासाठी अनुकूल कराल. विरोधक पराभूत होतील. न्यायालयीन प्रकरणाशी निगडीत प्रकरण सुरु असेल तर सकारात्मक निकाल येणे अपेक्षित. फायद्यासाठी अयोग्य काम करू नका, अन्यथा तुमची बदनामी होऊ शकते. जवळच्या व्यक्तीशी संबंधित अप्रिय घटनेमुळे मन निराश होईल. व्यावसायिक क्रियाकलापांवर गांभीर्याने काम करणे आवश्य. पती-पत्नीच्या सहकार्याने वातावरण व्यवस्थित राहील. हंगामी आजार त्रासदायक ठरतील.
तूळ : इतरांवर अवलंबून न राहता स्वतःच्या क्षमतेवर विश्वास ठेवून काम केल्यास अनेक समस्या दूर होतील. नातेवाइकांशी संबंधित वाद मिटून नाते पुन्हा गोड होईल. काही नुकसान होण्याची शक्यता असल्याने कोणत्याही प्रकारचा प्रवास टाळा. विनाकारण कोणाशीही वाद घालू शकतो. रागावर नियंत्रण ठेवा. वंशपरंपरागत व्यवसायाशी संबंधित कामे आज सकारात्मक परिणाम दाखवतील. कामाच्या ठिकाणचा ताणावाचा कुटुंबावर परिणाम होवू देवू नका. आरोग्य उत्तम राहील.
वृश्चिक : तुमचे सकारात्मक विचार तुमच्यासाठी नवीन संधी निर्माण करतील. काही खास लोकांच्या संपर्कात आल्याने तुमची विचारशैली आश्चर्यकारकपणे बदलेल. जवळच्या व्यक्तीने टीका केल्याने तुमचे मन निराश होईल. आपल्या योजना मित्र आणि नातेवाईकांसमोर उघड करू नका. व्यवसायात अधिक मेहनत करावी लागेल. वैवाहिक जीवन आनंदी राहील. आरोग्य उत्तम राहील.
धनु : शहाणपणाचा निर्णय तुमची आर्थिक बाजू मजबूत करेल. जवळच्या नातेवाइकांच्या भेटीमुळे दैनंदिन जीवनातून तणावामुक्तता अनुभवाल. कोणत्याही महत्त्वाच्या विषयावर चर्चा होईल. मनोरंजनासोबतच तुम्हाला तुमच्या वैयक्तिक कामांकडेही लक्ष देणे आवश्यक आहे. व्यवसायात महत्त्वाचे निर्णय इतरांच्या सल्ल्यापेक्षा स्वतः घ्या. कौटुंबिक वातावरण सामान्य राहील. रक्तदाब, मधुमेहचा त्रा असणार्यांनी स्वतःची काळजी घ्यावी.
मकर : आज बहुतांश कार्य व्यवस्थित पार पडतील. आर्थिक गुंतवणुकीशी संबंधित बाबींवर अधिक लक्ष द्या. तुमच्यासाठी अनुकूल परिस्थिती आहे. घरातील ज्येष्ठ सदस्याच्या तब्येतीची चिंता राहील. काही महत्त्वाची कामे थांबू शकतात. तुमच्या सरावात लवचिकता आणण्यासाठी अधिक शिस्त राखण्याची अपेक्षा करणे उत्तम ठरेल. कार्यक्षेत्रात कोणाशीही व्यवहार करताना सावधगिरी बाळगा. पती-पत्नीमधील गैरसमज दूर होतील. बाहेरचे खाणे टाळावे.
कुंभ : आज कर्मावर विश्वास ठेवून केलेली वाटचाल तुमच्यासाठी विशेषतः शुभ असेल. राजकीय, सामाजिक कार्यातही तुमचा वेळ जाईल. एखादी छोटीशी समस्या घरात मोठी समस्या बनू शकते. बाहेरच्या व्यक्तीला घरात ढवळाढवळ करू देऊ नका. काही वेळा तुमच्या अती शिस्तबद्ध वागण्यामुळे कुटुंबातील सदस्यांना त्रास होऊ शकतो. सार्वजनिक व्यवहार, मीडिया, मार्केटिंग इत्यादींशी संबंधित व्यवसाय. आज फायदा होईल. वाहन जपून चालवा.
मीन : आज ग्रहमान अनुकूल आहे. लाभाचे नवीन मार्ग मिळू शकतात. काही काळापासून सुरू असलेल्या समस्या योग्य प्रकारे सुटतील. प्रभावशाली व्यक्तीशी झालेली भेट तुमच्यासाठी महत्त्वपूर्ण ठरेल. अतिआत्मविश्वासामुळे तुम्हाला काही वेळा त्रास होईल. जवळच्या मित्र किंवा नातेवाईकामुळे मनस्ताप होऊ शकतो. रागावर आणि आवेगांवर नियंत्रण ठेवा. कार्यक्षेत्रात तुमचा दबदबा कायम राहील. जोडीदाराचा पाठिंबा तुमचे मनोबल उंचावेल. चुकीच्या आहार टाळा.
