जळगाव मिरर | २८ फेब्रुवारी २०२५
पुणे शहरातील स्वारगेट बस स्थानकातील शिवशाही बसमध्ये का तरूणीवर बलात्कार झाल्याच्या घटनेने राज्यभरात खळबळ माजली. अखेर या अत्याचार प्रकरणातील आरोरी दत्तात्रय गाडेला अटक करण्यात आली आहे. तब्बल 70 तासांच्या शोधमोहिमेनंतर यआरोपीच्या मुसक्या आवळण्यात आल्या आहेत. गुनाट गावातून ग्रामस्थांच्या मदतीने, पोलिसांनी आरोपी गाडेला अटक केली आहे.
एका कॅनोलमध्ये आरोपी गाडे हा लपून बसला होता. ड्रोन आणि डॉग स्क्वॉडच्या मदतीने त्याचा तपास सुरू होता. अखेर पोलिसांनीत्याला चहूबाजूंनी घेरलं आणि बाहेर येण्याची सूचना दिली. 70 तासांच्या तपासानंतर पोलिसांनी त्याला अटक करत बेड्या ठोकल्या. आरोपीला लष्कर पोलीस ठाण्याच्या लॉकअपमध्ये आणून ठेवलं. आज पहाटे ससून रुग्णालयात त्याची वैद्यकीय तपासणी करण्यात आली. आता थोड्याच वेळात , सकाळी 11 वाजता त्याला कोर्टात हजर करण्यात येणार आहे.
पुण्यात स्वारगेट डेपोमध्ये पार्क केलेल्या बसमध्ये 26 वर्षीय महिलेवर बलात्कार करणाऱ्या आरोपीला गुरुवारी रात्री उशिरा शिरूर येथून अटक करण्यात आली. गुन्हे शाखेचे पुणे डीसीपी निखिल पिंगळे यांनी सांगितले की, आरोपीला रात्री 1:30 वाजता गावातील एका शेतातून अटक करण्यात आली. डीसीपी पिंगळे म्हणाले की, अटकेच्या संपूर्ण प्रक्रिये दरम्यान गावातील लोकांनी आम्हाला साथ दिली. गावकऱ्यांनी आरोपीला ओळखले आणि पोलिसांना कळवले. तसेच त्याला पकडण्यातही मदत केली. आरोपीला पुढील चौकशीसाठी पुण्याला आणण्यात आले आहे. आरोपी दत्तात्रेय रामदास गाडे याने 25 फेब्रुवारी रोजी सरकारी स्वारगेट डेपोमध्ये हा गुन्हा केला. त्याच्यावर 1 लाख रुपयांचे बक्षीस होते.
