जळगाव मिरर | २७ ऑक्टोबर २०२४
राज्यात विधानसभा निवडणुकीची धामधूम सुरु झाली असून दुसरीकडे दिवाळी दोन दिवसावर येवून ठेपली आहे. त्यापूर्वीचा अनेक ग्राहकांनी बाजार पेठेत जावून सोन्यासह चांदीची खरेदी करू लागले आहे. मात्र दोन दिवसात ६०० रुपयांची घसरण झालेल्या सोने भावात शनिवारी (२६ ऑक्टोबर) ७०० रुपयांची वाढ झाली. त्यामुळे ते ७९ हजार ६०० रुपये प्रति तोळ्यावर पोहचले. दुसरीकडे चांदीच्या भावातही ३०० रुपयांची वाढ होऊन ती ९८ हजार ३०० रुपये प्रति किलोवर पोहोचली.
२३ ऑक्टोबर रोजी ७९ हजार ५०० रुपयांवर पोहोचलेल्या सोने भावात २४ रोजी ५०० रुपयांची तर २५ रोजी १०० रुपये अशी दोन दिवसात ६०० रुपयांची घसरण झाली होती. त्यामुळे सोने ७८ हजार ९०० रुपये प्रति तोळ्यावर आले होते. २६ ऑक्टोबर रोजी त्यात पुन्हा ७०० रुपयांची वाढ होऊन ते ७९ हजार ६०० रुपये प्रति तोळ्यावर पोहचले. तर २३ ऑक्टोबर रोजी एक लाख रुपये प्रति किलोवर पोहचलेल्या चांदीच्या भावात सलग दोन दिवस प्रत्येकी एक हजार रुपयांची घसरण होऊन ती २५ ऑक्टोबर रोजी ९८ हजार रुपये प्रति किलोवर आली होती. त्यानंतर २६ रोजी चांदी भावात ३०० रुपयांची वाढ झाली.
