जळगाव मिरर | १ डिसेंबर २०२४
जिल्ह्यातील वेगवेगळ्या भागातून दुचाकी चोरुन त्याची विल्हेवाट लावणाऱ्या गोपाल श्रावण तेली (वय ४२, रा. कळमसरा, ता. पाचोरा) याच्या एलसबीच्या पथकाने मुसक्या आवळल्या. त्याच्याकडून चार दुचाकी हस्तगत करण्यात आल्या आहेत.
मिळालेल्या माहितीनुसार, शहरातील शहर पोलीस ठाण्याच्या हद्दीतून चोरलेली दुचाकी गोपाल तेली हा संशयित वापरत असल्याची माहिती स्थानिक गुन्हे शाखेच्या पथकाला मिळाली. त्यानुसार पथकातील पोहेकॉ गजानन देशमुख, विनोद पाटील, विष्णू बिऱ्हाडे, ईश्वर पाटील, राहूल महाजन या कर्मचाऱ्यांनी संशयित गोपाल तेली याला ताबयात घेतले. त्याची कसून चौकशी केली असता,
या दुचाकीसह आणखी तीन दुचाकी आपल्या साथीदारांच्या मदतीने चोरी केल्याची कबुली दिली. त्यानुसार शहर, जिल्हापेठसह भुसावळ बाजारपेठ व चोपडा शहर पोलीस ठाण्याच्या हद्दीतून चोरलेल्या चार दुचाकी हस्तगत करण्यात आल्या आहे. पुढील चौकशीसाठी संशयित गोपाल तेली याला शहर पोलीसांच्या स्वाधीन करण्यात आले आहे.
