जळगाव मिरर | ६ जानेवारी २०२५
‘बिग बॉस’च्या अठराव्या सिझनमध्ये ड्रामा आणि ट्विस्टचा जोरदार पाऊस पडतो आहे. सलमान खानच्या सूत्रसंचालनात सुरु असलेला हा वादग्रस्त रिअॅलिटी शो दररोज चर्चेत असतो आणि आता शोचा ग्रँड फिनाले जवळ येत असल्याने त्यात आणखी गडबड निर्माण झाली आहे. नुकताच पार पडलेला ‘फॅमिली वीक’ चांगलाच चर्चेचा विषय ठरला, खासकरून चाहत पांडेच्या आईने केलेल्या दाव्यामुळे.
चाहत पांडेच्या आईने या वेळी जोरदार दावा केला की, त्यांच्या मुलीने कधीच कोणाला डेट केलेले नाही आणि ती केवळ त्यांच्या इच्छेनुसारच लग्न करेल. पण यावर सलमान खानने ‘वीकेंड का वार’ च्या एपिसोडमध्ये थेट चाहतच्या सीक्रेट बॉयफ्रेंडचा खुलासा केला. सलमानच्या या खुलासानंतर चाहतची आई भडकली असून, तिने बिग बॉसलाच खुलं आव्हान दिलं आहे.
चाहतच्या आईने जाहीर केले की, जर शो निर्मात्यांना तिच्या मुलीच्या बॉयफ्रेंडचा शोध लागला, तर ती त्यांना 21 लाख रुपये बक्षीस देईल. याआधी, सलमानने चाहतचा एक सेल्फी शो मध्ये दाखवला होता, ज्यात ती पाच वर्षांच्या एनिव्हर्सरीसाठी केक कापताना दिसत होती. अविनाशने या सेल्फी संदर्भात सांगितले की, “चाहतला नेहमी भेटवस्तू येत असतात, त्यामुळे तिच्या रिलेशनशिपबद्दल सगळ्यांना जाणून घ्यायचं होतं.” पण चाहतने यावर नकार दिला.
चाहतच्या आईने यावर खुलासा करत सांगितले, “चाहतने तिच्या सहकाऱ्याच्या लग्नाच्या वाढदिवसानिमित्त केक ऑर्डर केला होता, आणि त्याचसोबत तिने तो सेल्फी घेतला होता. हा फोटो शोच्या निर्मात्यांनी चुकीच्या पद्धतीने वापरला आहे.” तिच्या मुलीच्या रिलेशनशिपवर आरोप करत, ती म्हणाली, “चाहतने जर रिलेशनशिपबद्दल काही सांगितले असते, तर ती मला नक्कीच सांगितली असती. त्यामुळे या सर्व आरोपांचा काहीही आधार नाही.”
अशा वादग्रस्त खुलास्यानंतर चाहतच्या आईने थेट बिग बॉसच्या निर्मात्यांना खुलं आव्हान दिलं आहे. “तुम्ही माझ्या मुलीच्या बॉयफ्रेंडचा शोधून दाखवा, आणि मी तुम्हाला 21 लाख रुपये बक्षीस देईन”, असं तिने म्हणत शोच्या निर्मात्यांना चांगलीच धडक दिली आहे. हा वाद आता सोशल मीडियावर चांगलाच व्हायरल झाला असून, चाहत पांडेच्या आगामी कारकीर्दीवर याचा परिणाम होईल का, यावर चर्चेला उधाण आलं आहे.
