जळगाव मिरर । २१ जुलै २०२३
जळगाव जिल्हाधिकारी अमन मित्तल यांनी गेल्या वर्षभरापासून जिल्हाधिकारी पदाचा पदभार हाती घेतला होता. त्यानंतर आज त्यांची बदली झाल्याचे पत्र आहे. त्यांच्या जागी पुणे जिल्हा परीषदेचे मुख्य कार्यकारी अधिकारी आयुष प्रसाद हे जळगाव जिल्ह्याचे नवे जिल्हाधिकारी म्ह्णून रुजू होणार असल्याचे पत्रात नमूद केले आहे.
राज्यातील शासनाने अनेक आयएएस अधिकार्‍यांच्या बदल्या केल्या असून यात जळगाव जिल्हाधिकारी अमन मित्तल आणि जिल्हापरिषदेचे मुख्य कार्यकारि अधिकारी डॉ.पंकज आशिया यांचा देखील समावेश आहे. तत्कालीन जिल्हाधिकारी अभिजीत राऊत यांची बदली झाल्यानंतर त्यांच्या जागी अमन मित्तल यांनी 30 सप्टेंबर 2022 रोजी जिल्हाधिकारी पदाची धुरा सांभाळली होती. यानंतर त्यांच्या येथील कारकिर्दीला एक वर्ष पूर्ण झाले नसतांनाच आज त्यांची बदली करण्यात आल्याने एकच खळबळ उडाली आहे. कार्यकाळ पूर्ण होण्याआधीच जिल्हाधिकार्‍यांची बदली झाली असून त्यांच्या जागी पुणे जिल्हा परीषदेचे मुख्य कार्यकारी अधिकारीपदी असलेल्या आयुष प्रसाद यांची नियुक्ती करण्यात आली.
