जळगाव मिरर | ५ एप्रिल २०२५
बागेश्वर धामचे धीरेंद्र शास्त्री नेहमीच आपल्या चमत्काराने चर्चेत येत असतांना आता पुन्हा एकदा शास्त्रीजी चर्चेत आले आहे. मध्य प्रदेशातील छतरपूर जिल्ह्यातील बागेश्वर धामचे धीरेंद्र शास्त्री यांचे नाव देशभर गाजत असल्याचं दिसून येत आहे. धीरेंद्र शास्त्री हे सतत चर्चेत असतात. कुणाच्याही मनातलं ओळखण्याची अनोखी सिद्धी या बाबांना अवगत असल्याची चर्चा आहे. त्यावरुन त्यांना अनेकांनी आव्हान देखील दिले आहे. आणि याच कारणांमुळे धीरेंद्र शास्त्री नेटकऱ्यांचे लक्ष वेधून घेताना दिसत आहे. धीरेंद्र शास्त्री यांना भेटण्यासाठी देशभरातून लोक येत असतात. दरम्यान, आता पुन्हा एकदा धीरेंद्र शास्त्री यांचे नाव चर्चेत आलं आहे. आणि त्याच कारण देखील तितकंच खास आहे. धीरेंद्र शास्री यांनी हिंदू एकता यात्रेनंतर आता देशातील पहिल्या हिंदू गावाची मुहूर्तमेढ रोवली आहे.
हे गाव येत्या दोन वर्षांत बांधून तयार होणार आहे, धीरेंद्र शास्री यांनी विधीवत वैदिक मंत्रोच्चारात भूमीपूजन करीत या गावाच्या निर्मितीचा शुभारंभ केला आहे. मध्य प्रदेशातील बागेश्वर धाम येथे बांधल्या जाणाऱ्या या हिंदू गावात सुमारे १,००० कुटुंबे स्थायिक होणार आहेत. बागेश्वर धाम जनसेवा समिती सनातन धर्मप्रेमींना जमीन देणार आहे. ज्यावर इमारती बांधल्या जातील. पहिल्याच दिवशी, दोन कुटुंबांनी येथे स्थायिक होण्यास सहमती दर्शविली आणि कागदपत्रे पूर्ण केली. याशिवाय, या हिंदू गावात घरे बांधण्यासाठी सुमारे ५० लोक पुढे आले आहेत. ‘जेव्हा हिंदू कुटुंबे, हिंदू समाज आणि हिंदू गावे निर्माण होतील तेव्हाच हिंदू तहसील, हिंदू जिल्हा आणि हिंदू राज्याचे स्वप्न साकार होईल. ते म्हणाले की, हे फक्त एक गाव नाही तर हिंदू राष्ट्राचा पाया आहे. हे स्वप्न वास्तवात आणण्यासाठी आपण सर्वांनी एकत्र काम केले पाहिजे’ असं ते यावेळी म्हणाले.
