जळगाव मिरर | ७ फेब्रुवारी २०२४
जळगाव जिल्ह्यातील अनेक ठिकाणी गुन्हेगारी घटना सातत्याने घडत असताना दि.७ रोजी चाळीसगाव शहर पोलीस ठाण्याच्या हद्दीत पाच अनोळखी हल्लेखोरांनी माजी नगरसेवकावर गोळीबार करून जखमी केल्याची खळबळजनक घटना घडली आहे. दरम्यान ही घटना घडल्यानंतर चाळीसगाव शहर पोलीस ठाण्याचे अधिकारी व कर्मचारी हे घटनास्थळी दाखल झाले आहे.
मिळालेल्या माहितीनुसार, चाळीसगाव शहरातील देवरे हॉस्पिटल समोर बुधवारी ७ फेब्रुवारी रोजी दुपारच्या सुमारास माजी नगरसेवक बाळू मोरे यांच्यावरती गोळीबार करून जीवघेणा हल्ला केल्याचा खळबळजनक प्रकार शहरातील घडला आहे. हा सर्व प्रकार सीसीटीव्हीत कैद झाला आहे. यात एका कारमधून पाच जण उतरले. त्यांनी तोंडाला रूमाल बांधलेला होता. एका मागून एक जण असे पाच जण हातात बंदुका घेवून आल्यानंतर गोळीबार केलाय. या गोळीबारमध्ये माजी नगरसवेक बाळू मोरे थोडक्यात बचावले असून त्यांच्या हाताला गंभीर दुखापत झाली आहे. ही घटना चाळीसगाव शहर पोलीस ठाण्याच्या हद्दीत झाल्याने पोलीस ठाण्याचे पोलीस निरीक्षक संदीप पाटील यांच्यासह पोलीस अधिकारी व कर्मचारी यांनी तातडीने घटनास्थळी धाव घेतली आहे. हा गोळीबार कोणत्या कारणामुळे झाला हे अद्याप समोर आलेले आहे. याचे गंभीर दखल घेत चाळीसगाव पोलीसांनी कसुन चौकशीला सुरूवात करण्यात आली आहे.
